नात्याला काळीमा! बापाचे अल्पवयीन मुलीसोबत शारिरिक संबंध, गरोदर राहिल्यानंतर दिलं लग्न लावून

मिळालेल्या माहितीनुसार, दीड वर्षापूर्वी पीडित मुलीच्या आईचं निधन झालं. यानंतर मुलगी ही आपल्या बाबांसोबत राहत होती. यावेळी नराधम बापाने नात्याच्या सर्व मर्यादा ओलांडून आपल्याच मुलीवर शारिरिक अत्याचार केले. यावेळी मुलगी गरोदर राहिल्याचं लक्षात येताच त्याने आपल्याच समाजातील एका तरुणाशी तिचं लग्न लावून दिलं.

आजार बरा करण्यासाठी महिलेकडे शारिरिक संबंधाची मागणी, गुप्तांगाचे फोटो पाठवणारा भोंदूबाबा अटकेत

लग्नानंतर पतीनेही या पीडितेवर शारिरिक अत्याचार केले. परंतू आपल्या पत्नीच्या गर्भवती अवस्थेबद्दल कळल्यानंतर पतीने तिला पुन्हा वडिलांच्या घरी येऊन सोडलं. पंढरपुरातील एका रुग्णालयात या मुलीने बाळाला जन्म दिल्यानंतर ही धक्कादायक बाब समोर आली आहे. पंढरपूर पोलिसांनी या प्रकरणात तात्काळ कारवाई करत आरोपी बाप आणि पतीला अटक केली आहे. न्यायालयाने या दोन्ही आरोपींना पोलीस कोठडी सुनावली आहे. या प्रकारामुळे पंढरपुरात संताप व्यक्त केला जात आहे.