Tunisha sharma: 70 दिवसानंतर शीजान खानची तुरुंगातून सुटका; बहीण-आई भावूक

शीजान खान तुरुंगातून बाहेर आला

शीजान खान तुरुंगाबाहेर माध्यमांशी बोलला नाही. त्याच्या बहिणीने सांगितले की, तो 70 दिवसांपासून तुरुंगात होता. आम्हाला 70 तास तरी द्या, आम्ही आमचं म्हणणं मांडू, असं त्याचे कुटुंबीय म्हणाले. शीजान तुरुंगातून बाहेर आल्यावर त्याची बहीण आणि आई खूप भावूक झाल्या होत्या. सर्वजण त्याला मिठी मारून रडताना दिसले. या अभिनेत्याला 69 व्या दिवशी जामीन मिळाला.

एक चिठ्ठी अन् मिस्ट्री गर्ल, तुनिषा शर्माच्या आत्महत्येपूर्वी काय घडलं?

एक लाख जमा केले

28 वर्षीय शीजान खानला मुंबईच्या वसई कोर्टाने जामीन मंजूर केला आहे. शनिवारी कोर्टाने अभिनेत्याबाबत हा मोठा निर्णय दिला होता. अतिरिक्त सत्र न्यायालयाचे न्यायाधीश आर.डी.देशपांडे यांनी शीजान खानला जामीन मंजूर करताना एक लाख रुपयांची सुरक्षा ठेव मागितली होती. अभिनेत्याचे वकील शरद राय यांनी दिलेल्या माहितीनुसार, शीजानला न्यायालयाने अनेक कारणांमुळे जामीन मंजूर केला आहे.

Tinusha Sharma : तुनिषा आत्महत्या प्रकरणात शीनाज खान कसा अडकला?

अभिनेत्री तुनिषा शर्माच्या आत्महत्येप्रकरणी शीजान खानला डिसेंबर २०२२ मध्ये अटक करण्यात आली होती. तुनिषाने शीजनच्या मेकअप रूममध्ये गळफास लावून आत्महत्या केली होती. यानंतर तिच्या आईने तुनिषाचा एक्स बॉयफ्रेंड आणि सहअभिनेता शीजान खानवर अनेक मोठे आणि गंभीर आरोप केले.

तुनिषाच्या आईने गंभीर आरोप केले होते

तुनिषाची आई वनिता शर्मा यांनी सांगितले की, शीजानने अभिनेत्रीवर हात उचलला होता. तसेच, शीजान तिला उर्दू बोलण्यास आणि हिजाब घालण्यास सांगायचा, असे तिने सांगितले होते. तुनिषा शर्माच्या आईने शीजानच्या आई आणि बहिणींवरही आपल्या मुलीला भडकवल्याचा आरोप केला होता. या सगळ्याला उत्तर देताना शीजानच्या कुटुंबीयांनी सांगितले होते की, तुनिषाची आई तिचा छळ करत होती आणि पैशासाठी तिचा वापर करत होती, त्यामुळे अभिनेत्री डिप्रेशनमध्ये होती.

Tunisha Sharma Death : तुनिषा शर्माची आत्महत्या की हत्या? पोलिसांना खुनाचा संशय