सोलापूर: Remdesivir इंजेक्शनचा तुटवडा, कोरोना रुग्णांच्या नातेवाईकांची सुरुय वणवण
सोलापूर: सोलापूर शहर व जिल्ह्यात कोरोना रुग्णांची संख्या दिवसेंदिवस वाढतच चालली आहे. त्यामुळे शहर व जिल्ह्यातील रुग्णालये खचाखच भरले आहे. रुग्ण संख्या वाढल्याने कोरोनावरील औषधांचा देखील तुटवडा निर्माण झाला आहे. कोरोनावरील उपचारासाठी रेमडेसिवीर हे औषध सर्वात महत्त्वाचं समजलं जात आहे. पण आता याच रेमडेसिवीरच्या इंजेक्शनचा सोलापूरमध्ये तुटवडा भासत आहे. यामुळे रुग्णांच्या नातेवाईक वणवण भटकावं लागत […]
ADVERTISEMENT
सोलापूर: सोलापूर शहर व जिल्ह्यात कोरोना रुग्णांची संख्या दिवसेंदिवस वाढतच चालली आहे. त्यामुळे शहर व जिल्ह्यातील रुग्णालये खचाखच भरले आहे. रुग्ण संख्या वाढल्याने कोरोनावरील औषधांचा देखील तुटवडा निर्माण झाला आहे.
कोरोनावरील उपचारासाठी रेमडेसिवीर हे औषध सर्वात महत्त्वाचं समजलं जात आहे. पण आता याच रेमडेसिवीरच्या इंजेक्शनचा सोलापूरमध्ये तुटवडा भासत आहे. यामुळे रुग्णांच्या नातेवाईक वणवण भटकावं लागत आहेत.
सोलापूर शहरात आणि जिल्ह्यात कोरोना रुग्ण वाढल्याने रेमडेसिवीर इंजेक्शनांचा तुटवडा निर्माण झाला आहे. सोलापूरमध्ये अनेक ठिकाणी काल रात्रीपासून रुग्णांचे नातेवाईक मेडिकल दुकानासमोर रांगेत उभे राहून रेमडेसिवीर इंजेक्शन खरेदी करत आहेत.
पण काही तासातच आलेला स्टॉक संपल्याने अनेक रुग्णांच्या नातेवाईकांना खाली हातच परतावं लागत आहे. अनेक जण हात जोडून विनंती करत आहेत. मात्र तरीही त्यांना हतबलपणे माघारी परतावं लागत आहे. दुसरीकडे वेळेवर इंजेक्शन न मिळाल्याने रुग्णांचा जीव टांगणीला लागला आहे.
