सोनू सूदने घेतली कोरोना लस; संजीवनी मोहिमेद्वारे करणार लसीकरणाबाबत जनजागृती

अभिनेता सोनू सूद याने कोरोना प्रतिबंधक लसीचा पहिला डोस घेतला. लसीचा पहिला डोस घेतल्यानंतर कोरोना प्रतिबंधक लसीकरण मोहिमेला त्याने सुरुवात केलीये. या मोहिमेला सोनूने ‘संजीवनी’ असं नाव दिलं आहे.

यासंदर्भात सोनूने ट्विट केलं आहे. तो म्हणातो, “मी कोरोनाची लस घेतली आहे. आता देशाताली इतरांनी देखील लसीकरण करावं. आम्ही संजीवनी नावाची सर्वात मोठी लसीकरण मोहीम सुरू केली आहे. या मोहिनेमुळे लोकांमध्ये लसीकरणासंदर्भात जनजागृती निर्माण होईल त्याप्रमाणे लस घेण्यासाठी ही मोहीम लोकांना प्रवृत्त करेल”