Shiv Sena Yashwant jadhav: मुंबई महापालिकेच्या ‘वजिरा’ला शह देऊन ‘राजा’ होणार चेकमेट?
मुंबई: महाविकास आघाडी सरकारमधील (maha vikas aghadi Govt) पक्षांवर एका मागून एक राजकीय संकटं ही येतच आहेत. त्यातच आता आगामी मुंबई महापालिकेच्या (BMC) निवडणुकीच्या पार्श्वभूमीवर शिवसेनेला (Shiv Sena) अडचणीत आणणारी बातमी कालच (17 ऑगस्ट) समोर आली आहे. ती म्हणजे शिवसेनेच्या आमदार यामिनी जाधव (Yamini Jadhav) यांच्यावर आयकर विभागाने (Income Tax Department) केलेले गंभीर आरोप. याच […]
ADVERTISEMENT
मुंबई: महाविकास आघाडी सरकारमधील (maha vikas aghadi Govt) पक्षांवर एका मागून एक राजकीय संकटं ही येतच आहेत. त्यातच आता आगामी मुंबई महापालिकेच्या (BMC) निवडणुकीच्या पार्श्वभूमीवर शिवसेनेला (Shiv Sena) अडचणीत आणणारी बातमी कालच (17 ऑगस्ट) समोर आली आहे. ती म्हणजे शिवसेनेच्या आमदार यामिनी जाधव (Yamini Jadhav) यांच्यावर आयकर विभागाने (Income Tax Department) केलेले गंभीर आरोप. याच आरोपातून आता कुठेतरी थेट शिवसेनेला टार्गेट करण्याचा प्रयत्न सुरु झाल्याची चर्चा आहे.
नेमकं प्रकरण काय?
शिवसेनेच्या भायखळ्याच्या आमदार यामिनी जाधव यांच्यावर आयकर खात्याने अत्यंत गंभीर असे मनी लाँड्रिंगचे आरोप केले आहेत. यामुळे यामिनी जाधव यांची आमदारकी रद्द करावी अशी मागणी आयकर खात्याने केली आहे.
शिवसेना आमदार यामिनी जाधव या मुंबई महानगरपालिकेतील शिवसेनेचे अत्यंत महत्त्वाचे असे नेते यशवंत जाधव (Yashwant Jadhav) यांच्या पत्नी आहेत. ज्या सध्या आयकर खात्याच्या रडारवर आल्या आहेत.
