विनायक मेटे अपघात : ट्रक चालकाला पालघर पोलिसांनी कसं शोधलं?, तो ट्रक कुठे गेला?

Vinayak Mete Death : विनायक मेटे यांच्या अपघात प्रकरणातील पालघर पोलिसांनी दमणमध्ये जाऊन घेतलं ताब्यात
vinayak mete accident : truck driver arrested by the Palghar police
vinayak mete accident : truck driver arrested by the Palghar police

शिवसंग्राम पक्षाचे नेते आणि आमदार विनायक मेटे यांचा रविवारी पहाटे अपघाती मृत्यू झाला. मेटेंच्या अपघाती मृत्युवरुन वेगवेगळ्या शंका उपस्थित केल्या जात असून, आता अपघातात ज्या ट्रकवर विनायक मेटेंची गाडी जाऊन धडकली. त्या ट्रक चालकाला अटक करण्यात पोलिसांनी यश आलंय. रायगड पोलिसांनी दिलेल्या माहितीनंतर आणि मोठ्या शोधाशोधीनंतर पालघर पोलिसांनी ट्रक चालकाला ट्रकसह दमणमध्ये जाऊन ताब्यात घेतलं.

आमदार विनायक मेटे यांच्या मुंबई-पुणे एक्स्प्रेस वेवर (यशवंतराव चव्हाण महामार्ग) गाडीचा रविवारी (१४ ऑगस्ट) पहाटे अपघाती मृत्यू झाला. विनायक मेटेंसह गाडीत तिघे होते. यात गाडी चालकाला गंभीर दुखापत झाली नाही, मात्र त्यांचा सुरक्षा रक्षक गंभीर जखमी झाला. या अपघातात विनायक मेटे जागीच गतप्राण झाले.

विनायक मेटेंच्या गाडीने समोरून जाणाऱ्या ट्रकला धडक दिल्याचं पोलिसांनी दिलेल्या माहितीत म्हटलं होतं. विनायक मेटे यांची गाडी ज्या ट्रकवर जाऊन आदळली, त्या ट्रक चालकाला शोधण्यात पोलीस यशस्वी ठरले आहेत.

vinayak mete accident : truck driver arrested by the Palghar police
मुंबईतील भाजीपाला विक्रेता ते 5 वेळा आमदार; असा होता बीडच्या विनायक मेटेंचा संघर्षमय प्रवास

विनायक मेटे अपघात : रायगड, पालघर पोलिसांनी ट्रक चालकाला कसं शोधलं?

विनायक मेटे अपघात प्रकरणांमध्ये त्यांच्या गाडीचा ज्या ट्रकमुळे अपघात झाला होता, तो ट्रक दमणमध्ये असल्याची माहिती रायगड पोलिसांना मिळाली. नंतर रायगड पोलिसांनी पालघर पोलिसांशी तातडीने संपर्क साधला. या प्रकरणात पोलिसांनी अधिक तपास केला. या ट्रकचा मालक पालघर जिल्ह्यातील कासा पोलीस ठाणे हद्दीतील असल्याचं समोर आलं. त्यानुसार पालघर पोलिसांनी ट्रक मालकाला विश्वासात घेऊन अपघातासंबंधी माहिती दिली. ट्रक तसेच ट्रक चालकाची माहिती देण्याची मालकाला विनंती केली.

मालकाने दिलेल्या माहितीनुसार पोलिसांनी शोधाशोध सुरू केली. ट्रक व ट्रक चालकाचा शोध घेतला असता, तो दमण येथे असल्याचं तपासातून समोर आलं. त्यानुसार कासा पोलीस ठाण्याचे (पालघर) अधिकारी श्रीकांत शिंदे व त्यांच्या पथकानं तातडीने पालघरहून दमणकडे धाव घेतली.
vinayak mete accident : truck driver arrested by the Palghar police
विनायक मेटेंची पत्नी अधिकारी, तर मुलं घेताहेत शिक्षण; असं आहे शिवसंग्रामच्या नेत्याचं कुटुंब

विनायक मेटे अपघाती मृत्यू प्रकरण : ट्रकचालक पोलिसांकडे सुपूर्द, पण ट्रक गायब?

दमणमध्ये जाऊन पोलिसांच्या पथकाने ट्रक व चालकाला ताब्यात घेतलं. कासा पोलिसांनी रात्री उशिरा कासा पोलीस स्टेशनला ट्रक व चालकाला आणलं. त्यानंतर रायगडमधील रसायनी पोलीस ठाण्याला ट्रक व चालकाला सुपूर्द करण्यात आलं. काल रात्रीच रायगड पोलिसांकडे चालक व ट्रकचा ताबा देण्यात आला असल्याचं पालघर पोलीस अधीक्षक बाळासाहेब पाटील यांनी सांगितलं.

पालघर पोलिसांनी ट्रक सुपूर्द केल्याचे सांगितले असले, तरी प्रत्यक्षात हा ट्रक कुठे आहे? ही माहिती अजूनपर्यंत पोलिसांनी दिलेली नाही. त्यामुळे या प्रकरणात आणखीन संशय बळावू लागला आहे.

Related Stories

No stories found.
Mumbai Tak
www.mumbaitak.in