पोलिसांच्या ताब्यात असलेल्या केतकी चितळेवर अंडी आणि शाईफेक, पवार समर्थक प्रंचड संतापले

केतकीने शरद पवार यांच्याबाबत केलेल्या विकृत पोस्टनंतर राज्यभरातील राष्ट्रवादी काँग्रेसचे कार्यकर्ते प्रचंड संतापले आहेत. त्यांनी तिच्याविरोधात अनेक ठिकाणी तक्रारही नोंदवली आहे. त्यातच केतकीला पोलीस कळंबोलीहून कळवा पोलीस ठाण्यात नेत असताना तिच्यावर राष्ट्रवादीच्या कार्यकर्त्यांनी अचानक शाई फेक आणि अंडी फेकली. यावेळी केतकीला मारहाण करण्याचा देखील प्रयत्न झाला.

कळंबोली पोलीस स्टेशनबाहेर केतकीसोबत काय घडलं?

या प्रकरणात सुरुवातीला केतकीला कळंबोली पोलिसांनी ताब्यात घेतलं होतं. यावेळी पोलिसांनी इथे तिचा जबाब नोंदवून घेतला. त्यानंतर कळवा पोलीस हे कळंबोली पोलीस ठाण्यात पोहचल्यानंतर त्यांनी केतकीला आपल्या ताब्यात घेतलं आणि ते तिला कळव्याला घेऊन निघाले.