अध्यक्ष महोदय तुमचं अभिनंदन! पण किती दिवस पदावर राहाल माहित नाही- सुनील प्रभू

सुनील प्रभू (Sunil Prabhu) यांनी प्रतोद म्हणून काल आदेश दिला होता की शिवसेनेच्या सर्व सदस्यांनी राजन साळवी यांना मतदान करावे. परंतु आज सभागृहात व्हीप नाकारत शिवसेनेच्या बंडखोर आमदारांनी विरोधात मतदान केले.

जाणून घ्या सर्वात तरूण विधानसभा अध्यक्ष म्हणून निवड झालेल्या राहुल नार्वेकरांविषयी

सुनील प्रभू सभागृहात म्हणाले की शिवसेनेच्या 39 सदस्यांनी विरोधात मतदान केले आहे. त्यामुळे तुम्ही किती दिवस अध्यक्षपदावर राहाल माहित नाही. तरीही तुमचं अभिनंदन करतो असे सुनील प्रभू म्हणाले आहेत. पुढे ते म्हणाले ”अध्यक्ष महोदय आम्ही तुमच्याकडे कायदामंत्री म्हणून पाहात होतो, परंतु तुम्हाला विधानसभा अध्यक्ष केलं. देवेंद्र फडणवीस (Devendra Fadnavis) यांना मुख्यमंत्री झालेले पाहून आम्ही आमचं दु:ख विसरलो आणि त्यांचं दु:ख जास्त झालं.” शिवसेनेच्या 14 आमदारांनी राजन साळवी यांना मतदान केले आहे. एकूण 107 सदस्यांनी राजन साळवी यांना मतदान केले आहे.

अजित पवारांची विधानसभेत फटकेबाजी

देवेंद्र फडणवीसांनी एकनाथ शिंदेंना मुख्यमंत्री जाहीर करताच अनेक भाजपा नेते रडू लागले. गिरीश महाजन तर डोक्यावरचा फेटा डोळ्यावर बांधून अश्रू पुसत आहेत. एकनाथ शिंदेंनी माझ्या कानात जरी सांगितलं असतं तर मीच उद्धव ठाकरेंशी बोलून मुख्यमंत्री केलं असतं असंही अजित पवार म्हणाले, त्यांच्या तुफान फटकेबाजीने सभागृहात एकच हशा पिकला.

मुख्यमंत्री एकनाथ शिंदे यांनी दिल्या शुभेच्छा

मुख्यमंत्री एकनाथ शिंदे यांनी राहुल नार्वेकर यांचं अभिनंदन केलं. महाराष्ट्रात पहिल्यांदाच सत्तेतून बाहेर पडून आम्ही विरोधकांसोबत येत नवं सरकार स्थापन केलं. या राज्यात आता खऱ्या अर्थाने बाळासाहेब ठाकरे यांच्या विचारांचं सरकार आलं आहे असं एकनाथ शिंदे यांनी जाहीर केलं.