सांगोला : खाजगी हॉस्पिटलमध्ये बिलासाठी अडवणूक; जखमी वारकऱ्यांच्या नातेवाईकांचा आरोप

काय म्हटलं नातेवाईकांनी?

आम्ही तिथे जाण्यापूर्वीच सप्तगुरु हॉस्पिटलमध्ये जखमींना अॅडमिट केले होते. तिथं तपासण्या झाल्यानंतर तिथल्या डॉक्टरांनी सोलापूरला न्यूरो सर्जनला दाखविण्यास सांगितलं. त्यावेळी त्यांनी २ तासांच १९ हजार रुपये बिलं सांगितलं. औषध देखील २ हजार १५० रुपयांची दिली.

पंढरपूरला पायी निघालेल्या वारकऱ्यांवर काळाची झडप; दिंडीत घुसलेल्या कारने ७ जणांना चिरडलं

दुसऱ्या रुग्णांलाही जवळपास ११ हजार रुपयांच बिलं भरायला सांगितलं. त्याला १ हजार ७०० रुपयांची औषध दिली. असे जवळपास ४ हजार रुपये औषधाचे आणि ३१ हजार हॉस्पिटलचे भरण्यास सांगितलं. पण आम्ही घरातून निघताना गडबडीत पैसे आणले नव्हते. त्यामुळे पेशंट बघायचा की पैशांकडे बघायचं हा प्रश्न होता. आम्ही उद्या सकाळी येऊन पैसे भरुन जातो अशी विनंती करुनही ते ऐकण्यास तयार नव्हते. प्रांत वगैरे सगळे तिकडे होते.