Shiv Sena: शिवसेनेची उद्योगांवरुन शिंदेवर टीका, पण 'सामना'तून कौतुकाची बातमी?

Saamana praise Maharashtra Industry: एकीकडे उद्योगांवरुन सरकारवर शिवसेना नेहमी टीका करते. मात्र, दुसरीकडे 'सामना'त 'राज्यातील उद्योगधंद्यांच्या चक्राला वेग' अशी बातमी छापून आली आहे.
'सामना'तून उद्योगधंद्यांच्या कौतुकाची बातमी?
'सामना'तून उद्योगधंद्यांच्या कौतुकाची बातमी?

Saamana News: मुंबई: राज्यातील उद्योगधंदे (industries) बाहेर चालले आहेत, राज्यात जे उद्योग आहेत ते देखील दुसऱ्या राज्यात जात आहेत किंवा बंद पडत आहेत. असे आरोप शिवसेना (उद्धव बाळासाहेब ठाकरे) पक्ष (Shiv Sena) सातत्याने करत आहे. त्यातही माजी मंत्री आणि आमदार आदित्य ठाकरे (Aditya Thackeray) हे शिंदे-फडणवीस सरकारच्या (Shinde Fadnavis Govt) उद्योग धोरणांवर जोरदार प्रहार करत असल्याचं गेल्या काही महिन्यात पाहायला मिळत आहे. त्यावरुन ते वारंवार सरकारला धारेवर देखील धरतात. मात्र, असं असतानाचा आता त्यांच्या पक्षाचं मुखपत्र असलेल्या 'सामना'मध्ये (Saamana) चक्क अगदी विरोधाभास वाटावा अशी बातमी छापून आली आहे. (shiv sena criticizes shinde from industries but news of praise from saamana newspaper)

'राज्यातील उद्योगधंद्यांच्या चक्राला वेग' अशा मथळ्याखाली छापून आलेल्या बातमीत राज्यातील उद्योगधंद्यांना लागणाऱ्या विजेची मागणी कशी वाढली आहे याबाबत अगदी सविस्तर माहिती देण्यात आली आहे.

दरम्यान, एकीकडे शिवसेना सातत्याने उद्योगधंद्यांविषयी सरकारच्या धोरणांवर आरोप करत असताना दुसरीकडे त्यांच्याच वृत्तपत्रात उद्योगधंद्यांना पूरक अशी वीज ग्राहकांची मागणी कशी वाढली आहे याचे वृत्तांकन करण्यात आल्याने सर्वांच्याच भुवया उंचावल्या आहेत. तसेच या बातमीमुळे राजकीय वर्तुळात देखील उलटसुलट चर्चा सुरु झाल्या आहेत.

2019 पासून शिवसेना नेते भाजपवर तुफान टीका करत असल्याचं आपण पाहिलं आहे. मात्र, असं असताना देखील सामनामध्ये अनेकदा पंतप्रधान मोदी किंवा भाजपच्या जाहिराती छापून आल्याचं पाहायला मिळालं आहे. त्यामुळे यावरुन शिवसेनेवर अनेकांनी टीकाही केली आहे. मात्र, तो व्यावसायिक भाग असल्याचं सामनाकडून सांगितलं जातं. मात्र, आता सरकारची काहीशी भलामण करणारी बातमीच सामनात छापून आल्याने याचा नेमका अर्थ काय काढायचा अशी विचारणा अनेकजण करत आहे.

'सामना'त छापून आलेली ती बातमी जशीच्या तशी:

राज्यातील उद्योगधंद्यांच्या चक्राला वेग

राज्यातील उद्योगधंद्यांच्या चक्राला वेग आल्याने औद्योगिक ग्राहकांच्या विजेच्या मासिक मागणीत वाढ झाली आहे. आतापर्यंत राज्यभरातील औद्योगिक ग्राहकंकडून दर महिन्याला 3833 दशलक्ष युनिट एवढ्या विजेची मागणी महावितरणकडून नोंदली जात होती. त्यामध्ये नोव्हेंबर महिन्यात 268 दशलक्ष युनिटने वाढ होऊन 4 हजार 101 दशलक्ष युनिटपर्यंत पोहचली आहे. सदरची मागणी महावितरणे यशस्वीपणे पूर्ण केली आहे.

'सामना'तून उद्योगधंद्यांच्या कौतुकाची बातमी?
महाराष्ट्राचे पळवलेले उद्योग फळाला आले : उद्धव ठाकरेंकडून PM मोदींंचं खोचक शब्दात अभिनंदन

महावितरणचे राज्यभरात लघु आणि उच्चदाब वीज ग्राहकांची संख्या वाढली असून ती चार लाखाच्या घरात आहे. महावितरणच्या मासिक महसुलापैकी सुमारे 30 टक्के महसूल औद्योगिक ग्राहकांकडून मिळतो. त्यामुळे औद्योगिक ग्राहक महावितरणाच्या दृष्टीने महत्त्वाचा घटक आहे. कोरोना महामारीच्या काळात औद्योगिक ग्राहकांच्या वीज वापरात मोठी घट झाली होती. त्याचा महावितरणाच्या महसुलावर परिणाम झाला होता. मात्र, टप्प्याटप्प्याने उद्योग सुरु झाल्याने त्यांच्या विजेच्या मागणीत वाढ झाली आहे. 2021-22 या आर्थिक वर्षात उच्चदाह औद्योगिक ग्राहकांनी 39 हजार 397 दशलक्ष युनिट तर लघुदाब औद्योगिक ग्राहकांनी 6 हजार 606 दशलक्ष युनिट वीज वापरली होती. त्यानुसार मागील आर्थिक वर्षातील सरासरी मासिक औद्योगिक वीज वापर 3833 दशलक्ष युनिट होता. चालू आर्थिक वर्षात मासिक विजेच्या वापरात सरासरी 4101 दशलक्ष युनिटपर्यंत वाढ झाल्याची माहिती महावितरणचे व्यवस्थापकीय संचालक विजय सिंघल यांनी दिली.

'सामना'तून उद्योगधंद्यांच्या कौतुकाची बातमी?
Tata Air Bus Project वरून सुभाष देसाई आक्रमक, "राज्यातले उद्योग बाहेर पळवण्यासाठीच..."

नवीन ग्राहकही वाढले

राज्यातील नवीन औद्योगिक कनेक्शन घेणाऱ्या वीज ग्राहकांची संख्याही वाढली आहे. 2021-22 या वर्षात राज्यात एकूण उच्चदाह औद्योगिक वीज ग्राहकांची संख्या 14 हजार 885 होती. त्यामध्ये वाढ होऊन 15 हजार 87 झाली आहे. लघुदाब औद्योगिक वीज ग्राहकांची संख्याही 3 लाख 81 हजारांवरुन 4 लाख 83 हजार 272 एवढी झाली आहे.

अशा स्वरुपाची बातमी आजच्या (19 डिसेंबर) सामनामध्ये छापून आली आहे. आता यावर शिवसेना पक्ष किंवा खुद्द आदित्य ठाकरे काय स्पष्टीकरण देणार हे पाहणं महत्त्वाचं ठरणार आहे.

Related Stories

No stories found.
logo
Mumbai Tak
www.mumbaitak.in