Gajanan Kirtikar : आमचं टार्गेट मुंबई मनपा! किर्तीकर देणार ठाकरेंना आव्हान?
मुंबई : आमचं पहिलं टार्गेट मुंबई मनपा आहे, मी स्वतः यावर लक्ष ठेऊन असणार आहे, असं म्हणतं खासदार गजानन किर्तीकर यांनी आगामी काळात शिवसेना (ठाकरे गट) पक्षाचे प्रमुख उद्धव ठाकरे यांना आव्हान देणार असल्याचं स्पष्ट संकेत दिले. ते मुंबईत पत्रकार परिषदेमध्ये बोलत होते. किर्तीकर यांनी शुक्रवारी रात्री बाळासाहेबांची शिवसेना पक्षात प्रवेश केला आहे. किर्तीकर यांचे […]
ADVERTISEMENT
मुंबई : आमचं पहिलं टार्गेट मुंबई मनपा आहे, मी स्वतः यावर लक्ष ठेऊन असणार आहे, असं म्हणतं खासदार गजानन किर्तीकर यांनी आगामी काळात शिवसेना (ठाकरे गट) पक्षाचे प्रमुख उद्धव ठाकरे यांना आव्हान देणार असल्याचं स्पष्ट संकेत दिले. ते मुंबईत पत्रकार परिषदेमध्ये बोलत होते. किर्तीकर यांनी शुक्रवारी रात्री बाळासाहेबांची शिवसेना पक्षात प्रवेश केला आहे.
किर्तीकर यांचे उद्धव ठाकरेंवर गंभीर आरोप :
यावेळी बोलताना किर्तीकर यांनी उद्धव ठाकरे यांच्यावर गंभीर आरोप केले. ते म्हणाले, माझी शिवसेनेतील आतापर्यंतची 56 वर्षांची कारकिर्द. यापैकी 45 वर्ष बाळासाहेबांच्या नेतृत्वाखाली आणि 11 वर्ष उद्धव ठाकरेंच्या नेतृत्वाखाली काम केले. आता उर्वरित आयुष्य आपण एकनाथ शिंदे यांच्या नेतृत्वात काम करण्याचा निर्णय घेतला आहे.
शिवसेनेवर प्रेम असल्यामुळे उद्धव ठाकरे यांच्या नेतृत्वात जे काही अपमान असतील ते सहन केले. 2004 च्या निवडणुकीत माझं तिकीट कापण्याचा प्रयत्न झाला. 2009 ला तिकीट कापलं. 2014 आणि 2019 ला मी निवडून आल्यानंतर केंद्रात मंत्रिपदी डावललं. माझ्यापेक्षा अत्यंत ज्यूनिअर खासदारांना ही पद दिली. लोकसभेचं गटनेतेपदही दिलं नाही. त्यामुळे निष्ठावंत आणि ज्येष्ठ एवढीच बिरुदावली माझ्याकडे राहिली. तोंड दाबून बुक्क्यांचा मार आम्ही सहन करत राहिलो.
शिवसेना पक्ष राष्ट्रवादी-काँग्रेसच्या दावणीला बांधला :
एकनाथ शिंदे यांच्या नेतृत्वात 40 आमदारांनी जो उठाव केला त्याला खरोखरचं कारण आहेत. त्याला ईडी आणि खोकं हे कारण नाही. शिवसेना खरोखरचं राष्ट्रवादी आणि काँग्रेसच्या दावणीला बांधली गेली. तसंच जर हाच प्रवास पुढे होणार असेल त्याला आम्ही सर्वांनी सक्त विरोध केला.
हे वाचलं का?
