ऑपरेशन टायगरनंतर.. आणखी मोठा भूकंप घडवणार शिंदे? स्टेजवरून स्वत:च दिली मोठी हिंट

ठाकरेंचे खासदार फोडल्यानंतर आता त्यांचे आमदार देखील शिंदेंकडून फोडले जातील असा कयास राजकीय वर्तुळात वर्तवला जात आहे. त्यातच आता स्वत: शिंदेंनी देखील तशाच प्रकारची हिंट दिल्यामुळे ठाकरे गटाची चिंता वाढली आहे. पाहा शिवसेनेच्या मेळाव्यात एकनाथ शिंदे नेमकं काय म्हणाले.

'आगे आगे देखो होता है क्या..', एकनाथ शिंदेंचं भाषण

'बऱ्याच जणांच्या नजरा आपल्याकडे लागल्या आहेत. एकनाथ शिंदे काय बोलणार, व्यासपीठावर कोण-कोण बोलणार.. काय होणार? अरे आज ये टायगर आपके सामने खड़ा है. आज मी बघतोय.. काल-परवापासून कुछ कुत्ते रोज भौंक रहे है.. पण मी तुम्हाला सांगतो.. कुत्ते झुंड मैं आके भौंकते है.. शेर अकेला आता है. कुत्ते भौंकते रहते है.. टायगर शिकार करता रहता हैं. ही शिवसेना आहे. हीच शिवसेना आज महाराष्ट्रात आपण पाहतोय.. बाळासाहेबांचे विचार, धर्मवीरांचे विचार आपण पुढे घेऊन चाललोय.'

'ये तो सिर्फ ट्रेलर है, पिक्चर अभी बाकी है! आगे आगे देखो होता है क्या.. आपली शिवसेना मराठी माणसाच्या स्वाभिमानासाठी जन्म झाला. महाराष्ट्राची अस्मिता म्हणून शिवसेना उभी राहिली. हिंदुत्वाचा हुंकार म्हणजे शिवसेना, मराठीचा निर्धार म्हणजे शिवसेना..'

'बाळासाहेबांच्या मनासारखं, त्यांचे विचार पुढे नेण्याचं काम करतोय. त्यामुळे त्यांना नक्कीच स्वर्गात आनंद वाटत असेल. हेच आपलं भाग्य आहे. हीच आपल्या कामाची पोचपावती आहे. बाळासाहेब फक्त नावात असून चालत नाही, तुमच्या मनात, विचारात आणि कामात असावे लागतात.'