आई घेणार उपमुख्यमंत्रीपदाची शपथ, मुलगा होणार खासदार? पार्थ पवारांबाबत नेमकं काय घडतंय?
Parth Pawar : अजित पवार यांच्या विमान अपघातातील आकस्मिक निधनानंतर राष्ट्रवादी अजित पवार गटाचे नेतृत्व कोण करणार, याचे चित्र आता जवळपास स्पष्ट झाले आहे. त्यांच्या पत्नी सुनेत्रा पवार या देवेंद्र फडणवीस यांच्या नेतृत्वाखालील सरकारमध्ये उपमुख्यमंत्रीपद स्वीकारणार आहेत. आज सांयकाळी त्या या पदाची शपथ घेतील. सध्या सुनेत्रा पवार या राज्यसभेच्या खासदार आहेत. दरम्यान, त्यांची राज्यसभेतील जागा रिक्त झाल्यानंतर त्या जागी खासदार म्हणून पार्थ पवार यांची निवड होण्याची शक्यता वर्तवण्यात येत आहे.
ADVERTISEMENT
बातम्या हायलाइट
आई घेणार उपमुख्यमंत्रीपदाची शपथ, मुलगा होणार खासदार?
पार्थ पवारांबाबत नेमकं काय घडतंय?
Parth Pawar : अजित पवार यांच्या विमान अपघातातील आकस्मिक निधनानंतर राष्ट्रवादी अजित पवार गटाचे नेतृत्व कोण करणार, याचे चित्र आता जवळपास स्पष्ट झाले आहे. त्यांच्या पत्नी सुनेत्रा पवार या देवेंद्र फडणवीस यांच्या नेतृत्वाखालील सरकारमध्ये उपमुख्यमंत्रीपद स्वीकारणार आहेत. आज सांयकाळी त्या या पदाची शपथ घेतील. सध्या सुनेत्रा पवार या राज्यसभेच्या खासदार आहेत. दरम्यान, त्यांची राज्यसभेतील जागा रिक्त झाल्यानंतर त्या जागी खासदार म्हणून पार्थ पवार यांची निवड होण्याची शक्यता वर्तवण्यात येत आहे.
हे ही वाचा : अजितदादांसोबत किती बैठका झाल्या? जयंत पाटलांचा मोठा खुलासा, मात्र 'त्या' एका प्रश्नाचं उत्तर टाळलं
पार्थ पवार राज्यसभेवर?
उपमुख्यमंत्रीपदी विराजमान झाल्यानंतर सुनेत्रा पवार यांना राज्यसभेची जागा रिक्त करावी लागेल. सूत्रांनी दिलेल्या माहितीनुसार, अजित पवारांचे मोठे चिरंजीव पार्थ पवार यांना त्यांच्या आईच्या जागी राज्यसभेवर पाठवण्याची तयारी सुरु आहे. सुनेत्रा पवार यांची राष्ट्रवादीच्या विधिमंडळ पक्षनेतेपदी निवड करण्यात आली. त्यांचा शपथविधी सोहळा मुंबईतील राजभवनात आज (31 जानेवारी) सायंकाळी 5 वाजता होईल. अजित पवार यांच्या मृत्यूनंतर रिक्त झालेली बारामती विधानसभेची पोटनिवडणूक त्या लढवणार आहेत.
प्रफुल्ल पटेल यांच्याकडे अध्यक्षपद?
सूत्रांनी दिलेल्या माहितीनुसार, प्रफुल्ल पटेल यांना राष्ट्रवादीचे राष्ट्रीय अध्यक्ष बनवले जाऊ शकते. मात्र, पक्षातील एका मोठ्या गटाचे असे मत आहे की, सुनेत्रा पवार यांनी केवळ उपमुख्यमंत्रीच होऊ नये तर पक्षाची धुराही सांभाळावी. यामुळे राष्ट्रवादीच्या दोन्ही गटांच्या विलीनीकरणाच्या चर्चांनाही पूर्णविराम मिळाला आहे. अजित पवारांच्या निधनानंतर दोन्ही राष्ट्रवादींचे विलीनीकरण होऊ शकते, अशी शक्यता वर्तवण्यात येत होती.
हे वाचलं का?
