तानाजी सावंत म्हणाले, राष्ट्रवादीची औलाद सत्तेशिवाय राहू शकत नाही, आता अजित पवारांचं जोरदार प्रत्युत्तर
Ajit Pawar on Tanaji Sawant Statement : तानाजी सावंत म्हणाले, राष्ट्रवादीची औलाद सत्तेशिवाय राहू शकत नाही, आता अजित पवारांचं जोरदार प्रत्युत्तर
ADVERTISEMENT
बातम्या हायलाइट
तानाजी सावंत म्हणाले, राष्ट्रवादीची औलाद सत्तेशिवाय राहू शकत नाही
आता अजित पवारांचं जोरदार प्रत्युत्तर
Ajit Pawar on Tanaji Sawant Statement : माजी मंत्री तानाजी सावंत यांनी स्थानिक स्वराज्य संस्थांच्या निवडणुकीच्या निमित्ताने परांडा तालुक्यात छोटेखानी सभा घेतली. यावेळी त्यांनी अजित पवारांच्या राष्ट्रवादीवर जोरदार टीका केली. " ही राष्ट्रवादीची अशी औलाद आहे. ती सत्तेशिवाय राहू शकत नाही. पाण्यातून मासा बाहेर काढल्यानंतर कसा तडपडतो तसं राष्ट्रवादीला होतं, या दोन्ही राष्ट्रवादी एकच आहेत, मी सांगत होतो याचा प्रत्यय तुम्हाला गेल्या महिन्याभरात आला असेल", असं तानाजी सावंत म्हणाले. दरम्यान, तानाजी सावंत यांच्या टीकेला उपमुख्यमंत्री अजित पवार यांनी बारामती घेतलेल्या पत्रकार परिषदेत प्रत्युत्तर दिलंय.
विनाशकाले विपरीत बुद्धी, अजित पवारांचं प्रत्युत्तर
अजित पवार म्हणाले, याला विनाशकाले विपरीत बुद्धी म्हणतात. यावर आम्हाला काय बोलायचं नाही. आम्ही सुसंस्कृत महाराष्ट्रात राजकारण करतो. यशवंतराव चव्हाण साहेबांनी आम्हाला तो सुसंस्कृतपणा शिकवलेला आहे. दुसऱ्याने बेजबाबदारपणा केला, वेडेपणा केला तर त्याला उत्तर देण्याची गरज नाही.
दरम्यान यानंतर राष्ट्रवादीचे आमदार अमोल मिटकरी यांनीही तानाजी सावंत यांच्यावर टीका केली. तानाजी सावंतांना मंत्री नसल्याने मेंदूला लकवा मारल्यासारख झालं आहे. महायुतीचा धर्म ते विसरले आहेत. राष्ट्रवादी काँग्रेसबद्दल बोलताना त्यांनी नीटपणे बोललं पाहिजे. चर्चेत राहण्यासाठी ते आरोप करतात. तानाजी सावंत ही आऊटडेटेड बॅटरी आहे, त्यामुळे शिंदे साहेबांनी त्यांना मंत्रिपद दिलं नाही.
हेही वाचा : बारामतीच्या नगराध्यक्षपदासाठी जय पवार उमेदवार असतील का? अजित पवारांनी रणनिती सांगितली
हे वाचलं का?
