“तेव्हाच मी ठरवलं की, महाराष्ट्रातच…”, अजित पवारांनी मांडली भूमिका
राजीनामा नाट्यानंतर शरद पवारांनी नव्या कार्यकारी अध्यक्षांच्या नावाची घोषणा केली. प्रफुल्ल पटेल आणि सुप्रिया सुळेंवर ही जबाबदारी सोपवण्यात आली.
ADVERTISEMENT
Ajit Pawar News : राजीनामा नाट्यानंतर शरद पवारांनी नव्या कार्यकारी अध्यक्षांच्या नावाची घोषणा केली. प्रफुल्ल पटेल आणि सुप्रिया सुळेंवर ही जबाबदारी सोपवण्यात आली. या निर्णयानंतर अजित पवार नाराज असल्याची चर्चा महाराष्ट्रात होत आहे. त्यावर अजित पवारांनी पुन्हा एकदा सविस्तर भूमिका मांडली. (Maharashtra politics : sharad pawar new decision)
सातार येथे अजित पवार यांनी माध्यमांशी संवाद साधला. यावेळी ते म्हणाले, “दिल्लीला मी कधी जात नाही, पण यावेळी मला बोलावण्यात आलं होतं. त्यामुळे मी गेलो होतो. प्रफुल्ल पटेल आणि सुप्रिया सुळेंना कार्यकारी अध्यक्ष म्हणून जबाबदारी दिली गेली. इतरांनाही जबाबदारी दिली आहे. माझं मत मी कालच सांगितलं आहे. ट्वीटही केले होतं.”
हेही वाचा >> Chandrashekhar Bawankule: “शरद पवारांनी षडयंत्र सुरू केले आहे, कारण…”
“ती मीटिंग होती 11 वाजता. मी छगन भुजबळांना भेटलो, तर ते म्हणाले मला 12 वाजता बोलावलं. दोघांना एकाच वेळी बोलावलेलं असल्याने सोबत गेलो. माध्यमांना काही माहिती नसते. मी राष्ट्रीय पातळीवरचा पदाधिकारी नाही. मी राज्याच्या पातळीवरचा विरोधी पक्षनेता आहे”, असं अजित पवार म्हणाले.
फ्लाईटमुळे लवकर निघालो
“माझी 4 वाजता पुण्यासाठी फ्लाईट होती, त्यामुळे मी पटकन उरकलं आणि गाडी बसलो. विमानतळावर पोहोचलो. तिथे 4 वाजताच्या विमानाची वेळ झाली 5.30. मग तिथून पुण्यात उतरल्यानंतर माध्यमांना बोललो. माझ्यावर कुठलीही जबाबदार टाकली नाही, असं माध्यमे दाखवत असल्याचे मेसेजस मला आले”, असं अजित पवार यावेळी म्हणाले.
हे वाचलं का?
