'ते' भाषण.. ट्रोलिंग आणि अमित ठाकरेंची बेधडक मुलाखत

Amit Thackeray exclusive interview : मनसे नेते अमित ठाकरे यांनी मुंबई Tak ला दिलेल्या Exclusive मुलाखतीत सोशल मीडियावरील ट्रोलिंग, त्यांच्या भाषणानंतर निर्माण झालेली चर्चा आणि राजकारणातील आपल्या भूमिकेबाबत स्पष्टपणे मत व्यक्त केले. भाषणादरम्यान काही क्षण ब्लँक झाल्यामुळे झालेल्या ट्रोलिंगबाबत बोलताना त्यांनी त्याकडे फारसे लक्ष देत नसल्याचे सांगितले. दोन मिनिटांच्या त्या प्रसंगामुळे जर महाराष्ट्राचे किंवा लोकांचे काही नुकसान झाले असेल तर लोकांनी मला जरूर सांगावे, असे ते म्हणाले. माणसाकडून चुका होतात आणि त्या स्वीकारण्याची ताकद असणे महत्त्वाचे असल्याचे सांगत त्यांनी स्वतःच्या चुकांपासून पळ काढणार नसल्याचे स्पष्ट केले. लोकांनी स्वीकारले किंवा नाकारले तरी आपण त्यांच्यासाठी काम करत राहणार असल्याचेही त्यांनी ठामपणे सांगितले.