Rajya Sabha : अशोक चव्हाण होणार खासदार? भाजप करणार 'करेक्ट कार्यक्रम'
Rajya Sabha Election 2024 : राज्यसभेच्या सहा जागांसाठी निवडणूक होत असून, भाजपकडून अशोक चव्हाण यांना उमेदवारी दिली जाणार आहे.
ADVERTISEMENT
बातम्या हायलाइट
राज्यसभा निवडणूक 2024
महाराष्ट्रात सहा जागांसाठी निवडणूक
अशोक चव्हाण जाणार राज्यसभेत?
Rajya Sabha Election 2024 Maharashtra : महाराष्ट्रातील राज्यसभेच्या सहा जागा रिक्त होत असून, निवडणूक होत आहे. सहापैकी तीन जणांना निवडून पाठवता येईल, इतकं संख्याबळ भाजपकडे आहे. मात्र, भाजप चौथा उमेदवारही निवडणुकीत उतरवणार असल्याचे म्हटले जात आहे. दरम्यान, अशोक चव्हाण यांना राज्यसभेवर पाठवण्याचा भाजपचा निर्णय झाला असल्याचे सुत्रांनी सांगितले. त्यामुळे 2022 मधील निवडणुकीप्रमाणेच यावेळी महाविकास आघाडीची मते फुटण्याची शक्यता बळावली आहे. (Ashok Chavan May Be Fourth Candidate Of bjp)
माजी मुख्यमंत्री अशोक चव्हाण यांनी काँग्रेसमधून बाहेर पडून भाजपमध्ये प्रवेश केला. त्यांच्या अशोक चव्हाण यांनी आमदारकीचा राजीनामा दिला असून, त्यांना भाजप राज्यसभेवर पाठवणार आहे, अशी माहिती विश्वसनीय सुत्रांनी दिली.
ऐन राज्यसभा निवडणुकीच्या तोंडावर अशोक चव्हाण यांनी काँग्रेस सोडली. ते भाजपचे राज्यसभा निवडणुकीत उमेदवार असणार असल्याचे सांगण्यात येत आहे. तशी तयारीही चव्हाण यांनी केली आहे.
चौथा उमेदवार... मविआ समोर आव्हान
2022 मध्ये झालेल्या निवडणुकीत काँग्रेसची 7 मते फुटली होती. त्यामुळे भाजपला त्यांच्या उमेदवार जिंकून आणणं शक्य झालं होतं. यावेळी भाजपकडे तीन उमेदवार राज्यसभेवर पाठवता येईल इतके संख्याबळ आहे, मात्र चौथा उमेदवार दिल्यास भाजपला महाविकास आघाडीतील मतांची गरज पडणार आहे.
हे वाचलं का?
