Badlapur News: 'तिने आई-बापाची शपथ घेऊन सांगायचं...', वामन म्हात्रे म्हणतात मी तसं बोललोच नाही!
बदलापूरमधील महिला पत्रकारावर अशोभनीय शब्दात टिप्पणी केल्याचा आरोप असणारे शिवसेना नेते वामन म्हात्रे यांनी आता त्यांची बाजू मांडली आहे.
ADVERTISEMENT
बातम्या हायलाइट
महिला पत्रकाराबाबतचं ते विधान वामन म्हात्रेंना पडणार महागात?
वामन म्हात्रेंनी आरोपाचं केलं खंडन
पत्रकार मोहिनी जाधवला आरोप सिद्ध करण्याचं दिलं आव्हान
Vaman Mhatre: बदलापूर: बदलापूरमधील चिमुकल्या मुलींवर करण्यात आलेल्या लैंगिक अत्याचार प्रकरणाविरोधात एकीकडे जनता रस्त्यावर उतरलेली असताना दुसरीकडे मुख्यमंत्री शिंदेंच्या शिवसेना नेत्याने महिला पत्रकारावर अर्वाच्य भाषेत टिप्पणी केल्याचा आरोप होत आहे. याच प्रकरणी आता शिवसेनेचे शहरप्रमुख वामन म्हात्रे यांनी आता पत्रकार मोहिनी जाधव यांना थेट आव्हान दिलं आहे. (badlapur news she used to swear to her parents shiv sena leader vaman mhatre tried to defend himself in obscene remarks on a woman journalist case)
बदलापूर येथे आंदोलक रेल्वे ट्रॅकवर उतरलेले असताना दुसरीकडे शिंदेंच्या शिवसेनेचे नेते वामन म्हात्रे यांनी महिला पत्रकाराला पाहताच ''तू अशा बातम्या देत आहेस, जणू तुझ्यावरच बलात्कार झालाय'', अशी अशोभनीय भाषा वापरली असल्याचा आरोप वामन म्हात्रेंवर करण्यात आला.
हे ही वाचा>> Raj Thackeray Tweet: "...म्हणून बदलापूरच्या आक्रोशाला तोंड फुटलं"; राज ठाकरेंच्या ट्वीटनं खळबळ
ज्यानंतर या संपूर्ण प्रकरणाला राजकीय वळण लागलं असून आता या प्रकरणावरून वामन म्हात्रेंच्या अटकेची मागणी केली जात आहे. दरम्यान, या सगळ्या प्रकरणाबाबत बोलताना वामन म्हात्रे नेमकं काय म्हणाले तेही आपण पाहूया.
'तिने तिच्या आई-बापाची शपथ घेऊन सांगायचं की वामन म्हात्रे असं बोलला...'
'मी आपल्या सगळ्या पत्रकारांना साक्ष ठेवून सांगतो.. वामन म्हात्रेच्या तोंडून कधीही अपशब्द कुठल्याही महिलेच्या विषयी निघणार नाही. हा राजकीय स्टंट आहे. कारण मुख्यमंत्री लाडकी बहीण ही योजना सुरू आहे. त्या योजनेपासून लक्ष भरकटविण्यासाठी हा राजकीय स्टंट केला आहे.'
हे वाचलं का?
