Beed: थेट धनंजय मुंडेंच्या राजीनाम्याची मागणी, मोर्च्यात नेत्यांचा प्रचंड संताप
Dhananjay Munde Resignation Demand: सरपंच संतोष देशमुखांच्या हत्येप्रकरणी बीडमध्ये 28 डिसेंबरला सर्वपक्षीय मूक मोर्च्याचं आयोजन करण्यात आलं होतं. ज्यामध्ये अनेक नेत्यांनी मंत्री धनंजय मुंडेंच्या राजीनाम्याची मागणी केली.
ADVERTISEMENT
बातम्या हायलाइट
सरपंच संतोष देशमुखांच्या हत्येप्रकरणी बीडमध्ये मूक मोर्चा
सर्वपक्षीय नेत्यांकडून मंत्री धनंजय मुंडेंच्या राजीनाम्याची मागणी
वाल्मिक कराडच्या अटकेची जोरदार मागणी
Santosh Deshmukh Murder Case: बीड: बीड जिल्ह्यातील मस्साजोग गावचे सरपंच संतोष देशमुख यांच्या हत्येनंतर जिल्ह्यातील वातावरण बरंच तापलं आहे. त्यामुळे या प्रकरणी मुख्य आरोपी आणि मास्टरमाईंडला अटक करावी या मागणीसाठी बीडमध्ये आज (28 डिसेंबर) सर्वपक्षीय मूक मोर्चाचे आयोजन करण्यात आलं. मूक मोर्चाला सकाळी 11 वाजता डॉ. बाबासाहेब आंबेडकर यांच्या पुतळ्यापासून अभिवादन करून सुरुवात होणार झाली. (beed live direct demand for dhananjay munde resignation huge anger among leaders in the silent march sarpanch santosh deshmukh murder case )
या मोर्चामध्ये सर्वपक्षीय नेते सहभागी झाले. ज्यामध्ये सत्ताधारी भाजपचे आमदार सुरेश धस यांनी यावेळी थेट मुंडे भाऊ-बहिणीवर तुफान टीका केली आहे. याचवेळी अनेक नेत्यांनी कॅबिनेट मंत्री धनंजय मुंडेंच्या राजीनाम्याची थेट मागणी केली आहे.
हे ही वाचा>> 'आमचा परळी पॅटर्न, इथे रश्मिका आणि प्राजक्ता माळीही येतात...', सुरेश धसांचं बोचरं विधान
हा मोर्चा नगर रोडमार्गे जिल्हाधिकारी कार्यालयावर येणार आहे आणि याच जिल्हाधिकारी कार्यालयाच्या आवारामध्ये या घटनेच्या अनुषंगाने मागण्यांचे निवेदन जिल्हाधिकाऱ्यांना देण्यात आलं.
यावेळी अनेक नेत्यांनी आपलं भाषणं केलं. पण विशेष म्हणजे सरपंच संतोष देशमुख यांच्या मुलीनेही ही या ठिकाणी भाषण केलं.
हे वाचलं का?
