दिवस संपता, संपता आली सर्वात मोठी बातमी... ममता बॅनर्जींना सगळ्यात जबरदस्त हादरा, तोही स्वत:च्या पराभवाचा!

ममता दीदींसाठी आजच्या दिवशी दोन मोठे आघात सहन करावे लागले. राज्यभरात तृणमूल काँग्रेस (TMC) चा व्यापक पराभव होत असताना, मुख्यमंत्री ममता बॅनर्जी स्वत: आपल्या मतदारसंघात हरल्या आहेत. भाजपने राज्यात बहुमताकडे झेप घेतली असून, अनेक प्रदेशांत टीएमसीला मोठा फटका बसला आहे.

भबानीपूर लढत: ऐतिहासिक उलथापालथ

भबानीपूर ही ममता बॅनर्जी यांची पारंपरिक जागा मानली जाते. 2021 च्या निवडणुकीत नंदीग्राममध्ये शुभेंदू अधिकारी यांच्याकडून झालेल्या पराभवानंतर ममता यांनी भबानीपूरमधून पोटनिवडणूक लढवून विजय मिळवला होता. यंदा मात्र शुभेंदू अधिकारी यांनी पुन्हा एकदा ममता यांना थेट आव्हान दिले होते. जे आव्हान त्यांनी यशस्वीरित्या पेलली देखील.

हे ही वाचा>> बंगालमध्ये मोदी-शाहांनी शेवटच्या 7 दिवसांत 'अशी' पलटली बाजी... ही आहे भन्नाट Inside Story

मतमोजणीच्या विविध फेऱ्यांमध्ये आघाडी मागे-पुढे होत राहिली, मात्र शेवटच्या फेऱ्यांत शुभेंदू अधिकारी यांनी 15 हजारांहून अधिक मतांनी निर्णायक आघाडी घेतली. या लढतीकडे संपूर्ण देशाचे लक्ष लागले होते, कारण ही केवळ एका जागेची लढाई नव्हती तर बंगालच्या राजकारणातील 'ममता विरुद्ध शुभेंदू' या वैयक्तिक आणि राजकीय द्वंद्वाचा प्रतीकात्मक मुकाबला होता.