बंगालमध्ये मोदी-शाहांनी शेवटच्या 7 दिवसांत 'अशी' पलटली बाजी... ही आहे भन्नाट Inside Story
West Bengal Election Result: बंगाल निवडणुकीच्या शेवटच्या आठवड्यात नेमकी राजकीय गणितं कशी बदलली याची Inside Story जाणून घ्या सविस्तर.
ADVERTISEMENT
कोलकाता: पश्चिम बंगालच्या राजकारणातील बदलाचा अंदाज लावणे हे अगदी प्रमुख राजकीय नेत्यांच्याही आवाक्याबाहेरचे आहे. परंतु निवडणुकीच्या शेवटच्या आठवड्यात बंगालच्या रस्त्यांपासून ते सार्वजनिक चौकांपर्यंत सुरू झालेल्या कुजबुजी एका मोठ्या मनःस्थितीतील बदलाकडे निर्देश करत होतं. जे आज आपल्याला निकालातून पाहायला मिळालं.
इंडिया टुडे/आज तकचे 30 पत्रकार आणि प्रत्यक्ष काम करणाऱ्या वार्ताहरांकडून मिळालेल्या माहितीनुसार, निवडणुकीच्या अंतिम टप्प्यात पश्चिम बंगालचे मतदार केवळ 'बदला'साठी आसुसलेले नव्हते, तर अनेक प्रमुख आणि मूलभूत मुद्द्यांवर त्यांची मते बदलत होती. याला केवळ 'सत्ताविरोधी लाट' म्हणणे अपूर्ण ठरेल.
खरं तर, अनेक प्रमुख घटकांच्या 'एकत्रीकरणामुळे' भाजपच्या बाजूने शेवटच्या क्षणी लाट निर्माण झाली. हा बदल महिलांचा संताप, सरकारी कर्मचाऱ्यांच्या अपेक्षा, विकास, सुरक्षेची चिंता आणि मतदार यादीचे नवीन राजकारण अशा अनेक स्तरांचा मिलाफ होता. याच सगळ्याची inside story आम्ही आपल्याला सांगणार आहोत.
ममता दीदींच्या TMC च्या पराभवाची आणि भाजपच्या विजयाची Inside Story
1. केंद्रीय सुरक्षा दलांची उपस्थिती आणि 'भीतीच्या भिंती'चे उल्लंघन
बंगालला निवडणुकीतील हिंसाचाराचा मोठा इतिहास आहे. अनेक भागांमध्ये, ज्याचा झेंडा सर्वात मजबूत असेल तोच जिंकेल, असे लोकांचे गृहीतक होते. यावेळी, केंद्रीय दलांची अभूतपूर्व उपस्थिती, ध्वजसंचलन आणि संवेदनशील मतदान केंद्रांवर कडक बंदोबस्तामुळे निवडणुकीचे संपूर्ण वातावरणच बदलून गेले.
