भाजपच्या माजी आमदार नरेंद्र पवारांवरील बलात्काराच्या आरोपांनी चित्रा वाघही हादरल्या! म्हणाल्या...
भाजपचे माजी आमदार नरेंद्र पवार यांच्याविरोधातील कथित सामूहिक लैंगिक अत्याचार प्रकरणावर आमदार चित्रा वाघ यांनी प्रतिक्रिया देत दोषी आढळल्यास कायद्यानुसार कारवाई झाली पाहिजे, अशी भूमिका मांडली आहे.
ADVERTISEMENT
BJP Leader Chitra Wagh on Narendra Pawar Case: भाजपचे माजी आमदार नरेंद्र पवार यांच्याविरोधात दाखल झालेल्या कथित सामूहिक लैंगिक अत्याचाराच्या प्रकरणावर भाजपच्या महिला मोर्चाच्या प्रदेशाध्यक्षा आमदार चित्रा वाघ यांनी प्रतिक्रिया दिली आहे. “ही घटना आमच्यासाठीही धक्कादायक आहे. गुन्ह्यात तथ्य आढळल्यास आरोपी कोणत्याही पक्षाचा असला तरी त्याच्यावर कायद्यानुसार कारवाई झाली पाहिजे,” असे त्या म्हणाल्या. दरम्यान, नरेंद्र पवार यांच्या जामीन अर्जावर ३० सप्टेंबर रोजी सुनावणी होणार असल्याची माहिती आहे.
नरेंद्र पवारांवरील आरोपांवर चित्रा वाघांची प्रतिक्रिया
भिवंडीतील धामणकर नाका येथे प्रसारमाध्यमांशी बोलताना चित्रा वाघ यांनी नरेंद्र पवार यांच्याविरोधातील प्रकरणावर भाष्य केले. नरेंद्र पवार हे पक्षाचे सहकारी असल्याने त्यांच्याविरोधातील बातमी ऐकून धक्का बसल्याचे त्यांनी सांगितले.
हे ही वाचा>> सामूहिक बलात्कार प्रकरणी कोर्टाकडून भाजपच्या माजी आमदाराला सगळ्यात मोठा झटका
नरेंद्र पवार असे काही करतील, असे स्वप्नातही वाटले नव्हते, असे म्हणत त्यांनी महिलेने केलेल्या तक्रारीकडे दुर्लक्ष करता येणार नसल्याचे स्पष्ट केले.
या संपूर्ण प्रकरणाचा पोलीस निष्पक्षपणे तपास करतील, असा विश्वासही चित्रा वाघ यांनी व्यक्त केला.