'तुम्हाला मी आज इशारा देतो, जर...', CM फडणवीस राहुल गांधींवर आता एवढे का संतापले?

सर्वोच्च न्यायालयावर मोर्चा काढण्याच्या भूमिकेवरूनही फडणवीस यांनी राहुल गांधी आणि इंडिया आघाडीला लक्ष्य केलं. न्यायालयावर दबाव आणण्याचा प्रयत्न होत असल्याचा आरोप करत त्यांनी काँग्रेसच्या भूमिकेवर प्रश्न उपस्थित केले.

घटनात्मक संस्थांना बदनाम करण्याचा काँग्रेसचा प्रयत्न?

देवेंद्र फडणवीस म्हणाले की, काँग्रेस पक्षाकडून सध्या जे काही सुरू आहे, ते पूर्णपणे संविधानविरोधी आहे. संविधान हातात घेऊन सर्वोच्च न्यायालय, नियंत्रक आणि महालेखापरीक्षक (CAG) तसेच रिझर्व्ह बँक ऑफ इंडिया (RBI) यांसारख्या घटनात्मक आणि महत्त्वाच्या संस्थांना कुचकामी ठरवण्याचा प्रयत्न केला जात असल्याचा आरोप त्यांनी केला.

हे ही वाचा>> 'तुमचे 200 अधिकारी...', राहुला गांधींचा प्रचंड खळबळ उडवून देणारा दावा; काँग्रेसकडून चक्रव्यूहाची आखणी?

या संस्थांबद्दल लोकांच्या मनात अविश्वास निर्माण करून त्यांना संस्थांविरोधात भडकवण्याचं काम केलं जात असल्याचा दावाही फडणवीस यांनी केला. अशा प्रकारे खोटं नरेटिव्ह तयार केलं जात असून, त्यातून संविधान आणि देशातील संस्थांच्या व्यवस्थेला आव्हान देण्याचा प्रयत्न होत असल्याचं ते म्हणाले.