भाजपच्या माजी आमदाराची 70 ते 80 जणांकडून हत्या, संतापलेला जमाव अन्... नेमकं घडलं तरी काय?

वैरा पोलीस ठाण्याच्या हद्दीतील भोंधा गावातील क्रशर प्लांटमध्ये 70 ते 80 लोकांनी भडाना आणि त्यांच्या सहकाऱ्यांवर हल्ला केला. हल्ल्यात गंभीर जखमी झालेल्या भडाना यांचा रात्री सुमारे 11.30 वाजता जयपूरच्या SMS रुग्णालयात उपचारादरम्यान मृत्यू झाला. या घटनेनंतर गावात प्रचंड तणाव निर्माण झाला असून सध्या तिथे मोठ्या प्रमाणात पोलीस बंदोबस्त ठेवण्यात आला आहे.

नेमकी घटना काय?

11 ऑक्टोबर रोजी, सायंकाळी सुमारे 6.00 वाजेच्या सुमारास अतर सिंह भडाना हे भोंधा गावातील त्यांच्या क्रशर प्लांटमध्ये होते. मिळालेल्या माहितीनुसार, जवळपास वर्षभरापासून बंद असलेला क्रशर पुन्हा सुरू करण्याचे प्रयत्न सुरू होते. या दरम्यान, गावकरी आणि भडाना यांच्या बाजूचा वाद वाढला आणि त्याचे रूपांतर भीषण हाणामारीत झाले.

हे ही वाचा>> 'मोदी-शाहांच्या मनात अत्यंत पराकोटीची...', राज ठाकरेंचा प्रचंड संताप अन् जोरदार हल्लाबोल!

असा आरोप आहे की, या संघर्षादरम्यान मोठ्या संख्येने लोकांनी काठ्या आणि दगडांनी अतर सिंह यांच्यावर हल्ला केला. ज्यामध्ये अतर सिंग भडाना आणि त्यांचे सहकारी गगन शर्मा हे गंभीररित्या जखमी झाले.