राहुल गांधींची सरकारविरोधात रस्त्यावरची लढाई; बॅरिकेडवर चढून फडकावला तिरंगा...

खासदार सुरुवातीला संसद भवनातील मकर द्वार येथे एकत्र आले. त्यानंतर त्यांनी निर्वाचन सदनाकडे मोर्चा काढला. मात्र संसद मार्ग, नीती आयोग आणि आकाशवाणी भवन परिसरात पोलिसांनी मोठ्या प्रमाणावर बॅरिकेडिंग केल्याने खासदारांना पुढे जाता आले नाही. यावेळी पाण्याच्या फवाऱ्यांच्या गाड्यांसह मोठा पोलीस बंदोबस्त तैनात करण्यात आला होता.

राहुल गांधी बॅरिकेडवर चढले

मोर्चा रोखल्यानंतर राहुल गांधी अचानक बॅरिकेडवर चढले आणि हातात तिरंगा फडकावला. तृणमूल काँग्रेसचे अभिषेक बनर्जीही बॅरिकेडवर दिसले. पोलिसांनी काही नेत्यांना ताब्यात घेण्याचा प्रयत्न केला. अखिलेश यादव, डेरेक ओ’ब्रायन यांच्यासह अनेक खासदारांना बसमध्ये बसवण्यात आले. प्रियंका गांधी यांनाही बसमध्ये नेण्यात आले, मात्र त्या काही वेळातच बाहेर आल्या.

हे ही वाचा>> राहुल गांधी बॅरिकेडवर चढले, प्रियांका गांधी पोलिसांच्या ताब्यात; निवडणूक आयोगाच्या कार्यालयाजवळ राडा

यानंतर राहुल गांधी आकाशवाणी भवनाच्या स्वागत द्वाराकडे गेले आणि परिसरात दाखल झाले. प्रियंका गांधी, दीपेंद्र हुड्डा, के. सी. वेणुगोपाल, पवन खेड़ा आणि इमरान प्रतापगढ़ी यांच्यासह इतर नेतेही त्यांच्यासोबत परिसरात गेले.