राष्ट्रवादी काँग्रेसमध्ये अजितदादा एकटे पडले का, कसं फिरलं संपूर्ण राजकारण?
Ajit Pawar: शरद पवार यांच्या राजीनाम्याच्या मुद्द्यावर अजित पवार हे राष्ट्रवादी काँग्रेस पक्षात एकटे पडले असल्याचं चित्र सध्या पाहायला मिळत आहे. वाचा याविषयीचा खास रिपोर्ट
ADVERTISEMENT
Ajit Pawar NCP: मुंबई: ‘लोक माझे सांगाती’ पुस्तकाच्या सुधारित आवृत्तीच्या प्रकाशन सोहळ्यातील भाषणामध्ये राष्ट्रवादी काँग्रेसचे (NCP) अध्यक्ष शरद पवार (Sharad Pawar) यांनी निवृत्तीची घोषणा केलेली. ही घोषणा केल्यानंतर कार्यकर्त्यांनी पवारांना निर्णय मागे घेण्याची मागणी केली. कार्यकर्त्यांनी वाय बी चव्हाण सेंटरमध्येच ठिय्या आंदोलन केलं. राष्ट्रवादीच्या सर्वच नेत्यांनी शरद पवारांनी निर्णय घेण्याची विनंती केली. वाय बी चव्हाण सेंटरमध्ये सुरु असलेल्या सगळ्या घटनेमध्ये अजित पवार (Ajit Pawar) एकटेच शरद पवारांच्या निर्णयाचे समर्थन करत होते. एवढंच नाही तर भावूक झालेल्या कार्यकर्त्यांना खडसावून हा निर्णय योग्य असल्याचे पटवून देत होते. (did ajit pawar stand alone in ncp how did the whole politics turn)
आता पवारांनी नेमलेल्या समितीने देखील पवारांनीच पक्षाचे अध्यक्ष राहावं असा ठराव एकमताने केला आहे. त्यामुळे राष्ट्रवादीमध्ये अजित पवार एकटे पडले आहेत का? अशी जोरदार चर्चा राजकीय वर्तुळात रंगली आहे.
या विषयाला सुरुवात करताना आपण गेल्या काही काळात घडलेल्या घडामोडी लक्षात घेणं महत्त्वाचं आहे. या क्रोनोलॉजीकडे आपल्याला नीट पाहावं लागेल त्यातूनच आपल्याला अनेक प्रश्नांची उत्तरं मिळणार आहेत.
अजित पवारांच्या बंडाच्या बातम्या अन्…
या सगळ्या प्रकरणाची सुरुवात झाली अजित पवारांच्या बंडाच्या बातम्यांमुळे. अजित पवार बंडाच्या तयारीत असून राष्ट्रवादीच्या आमदारांना घेऊन ते भाजपसोबत जाणार असल्याच्या बातम्या काही दिवसांपूर्वी प्रसिद्ध झाल्या होत्या. संजय राऊत यांनी देखील त्यांच्या ‘रोखठोक’च्या सदरामध्ये याबाबत सविस्तर लिहिलं होतं. त्याचबरोबर अजित पवारांनी याबाबत खुलासा करावा असं देखील त्या सदरामध्ये म्हटलं होतं. अजित पवारांना मुख्यमंत्री व्हायचे आहे त्यांना राष्ट्रवादीच्या आमदारांचा पाठिंबा देखील असल्याच्या बातम्या प्रसिद्ध झाल्या होत्या.
हे वाचलं का?
