'धनंजय मुंडे समर्थक' नावाने फेसबुकवर फेक अकाउंट अन् अजितदादांची बदनामी, बीडमध्ये सायबर क्राईम...
Dhananjay Munde : "धनंजय मुंडे समर्थक" या नावाने फेसबुकवर फेक अकाउंट खोलल्याचा प्रकार समोर आला. याच अकाउंटच्या माध्यमातून उपमुख्यमंत्री अजित पवार यांच्या अपप्रचार करण्यात आल्याचा प्रकार समोर आला आहे. याचपार्श्वभूमीवर पोलीस ठाण्यात गुन्हा दाखल करण्यात आला आहे.
ADVERTISEMENT
बातम्या हायलाइट
माहिती तंत्रज्ञान कायद्यांतर्गत गुन्हा दाखल
सायबर गुन्ह्यांमध्ये वाढ
Dhananjay Munde : रोहिदास हातागळे - नगरपरिषद निवडणुकीच्या धामधुमीत "धनंजय मुंडे समर्थक" या नावाने फेसबुकवर फेक अकाउंट खोलल्याचा प्रकार समोर आला. त्याच अकाउंटचा वापर करत राज्याचे उपमुख्यमंत्री अजित दादा पवार यांची बदनामी करणाऱ्या पोस्ट व्हायरल करण्यात आल्याची चर्चा आहे. अशातच धनंजय मुंडे यांच्या कार्यालयातून याबाबत दखल घेण्यात आली आहे. संबंधित फेक अकाउंट विरोधात धनंजय मुंडे यांच्या वतीने अक्षय तिडके यांच्यामार्फत बीड सायबर पोलीस ठाण्यात तक्रार दाखल केली आहे.
हे ही वाचा : 'दोन नंबरला किंमत नसते.." रवींद्र चव्हाणांच्या वक्तव्याने शिंदेसेना आणि भाजपमधील वाद शिगेला, डोंबिवलीत चव्हाणांसमोरच..
अजितदादांच्या बदनामीकारक पोस्ट
धनंजय मुंडेंचे समर्थक असल्याचे सांगून अजितदादांच्या बदनामीकारक पोस्ट करणे आक्षेपार्ह आहे. यामुळे अनेकदा संभ्रम निर्माण करणारी परिस्थिती केली जात आहे. या एकूण तक्रारीची दखल घेत तातडीने गुन्हा दाखल करून कारवाई करण्यात यावी, अशा सूचना सायबर पोलीस ठाण्याचे पोलीस निरीक्षक निलेश केळे यांनी दिल्या. तसेच धनंजय मुंडे यांच्या वतीने कारवाई केली जात असल्याची माहिती समोर आली. तर सदर प्रकरणात तातडीने माहिती तंत्रज्ञान कायद्यांतर्गत गुन्हा दाखल करून कारवाई करण्यात येणार असल्याचे पोलिस निरीक्षक श्री. निलेश केळे यांनी सांगितले आहे.
हे ही वाचा : आनंदोत्सवासाठी लग्नसोहळ्यातील मिरवणुकीत गोळीबार, नवऱ्याच्या मानेवर गोळी लागून मृत्यू, परिसरात गोंधळ उडाला
सायबर गुन्ह्यांमध्ये वाढ
दरम्यान, सध्या मोठ्या प्रमाणात सायबर गुन्ह्यांमध्ये वाढ होऊ लागली आहे. तसेच अनेकदा फेक अकउंट उघडून त्याचा गैरवापर केला जातो. ही परिस्थिती सामान्यत: सर्वत्र बघायला मिळते. पण, आता याचाच वापर कुठेतरी राज्यातील राजकारणात बघायला मिळत आहे. याचा वापर करत अनेकजण अपप्रचार करण्याचा प्रयत्न सुरु आहे.
हे वाचलं का?
