Gajanan Kirtikar : 'शिंदे साहेब, गजानन कीर्तिकरांची त्वरित हकालपट्टी करा', शिवसेना नेता संतापला
Shiv Sena New Row, Gajanan Kirtikar Eknath Shine : गजानन कीर्तिकर यांना पक्षातून काढून टाकण्याची मागणी शिवसेना उपनेते शिशिर शिंदे यांनी एकनाथ शिंदे यांच्याकडे केली आहे.
ADVERTISEMENT
बातम्या हायलाइट
गजानन कीर्तिकर यांच्यामुळे शिवसेनेत धुसफूस
अमोल कीर्तिकर जिंकणार, असे विधान कीर्तिकरांनी केले
शिशिर शिंदे यांनी केली हकालपट्टी करण्याची मागणी
Gajanan Kirtikar Shiv Sena : "गजानन कीर्तिकर यांना मातोश्रीवर लोटांगण घालायची घाई झालेली दिसते. पण, कीर्तिकरांचे हे उद्योग आपल्या पक्षाला आणि मुख्य नेते म्हणून आपल्याला बदनाम करत आहेत, आता बस्स", असा संताप व्यक्त करत शिवसेना उपनेते शिशिर शिंदे यांनी व्यक्त केला आहे. शिंदे यांनी गजानन कीर्तिकर यांची पक्षातून त्वरित हकालपट्टी करण्याची मागणी केली आहे. (Shishir Shinde has requested Eknath Shinde to expel Gajanan Kirtikar from Shiv Sena.)
एकनाथ शिंदे यांच्या शिवसेनेचे नेते गजानन कीर्तिकर यांनी केलेल्या विधानामुळे पक्षातच वाद निर्माण झाला आहे. गजानन कीर्तिकर हे सातत्याने आपल्याच सरकारला घरचा आहेर देताना दिसत आहे. केंद्रीय यंत्रणांच्या चौकशीच्या मुद्द्यावरून कीर्तिकरांनी लक्ष्य केलं होतं.
गजानन कीर्तिकर यांच्या हकालपट्टीची मागणी, शिशिर शिंदेंनी पत्रात काय म्हटलेय? वाचा जसंच्या तसं
शिवसेनेचे ज्येष्ठ नेते गजानन कीर्तिकर यांचा अनुभव व ७८ वर्षांचे वय पाहून आपण त्यांचा अत्यंत योग्य सन्मान राखला. त्यांना व्यासपीठावर आपल्या बाजूचे आसन कायम दिले.
लोकसभेसाठी गजानन कीर्तिकर यांचे पुत्र अमोल कीर्तिकर यांची उमेदवारी अधिकृतपणे उबाठा पक्षातर्फे जाहीर झाली आणि गजाभाऊ आकंठ पुत्रप्रेमाने अक्षरशः आंधळे झाले.
हे वाचलं का?
