Maharashtra Lok Sabha : पूनम महाजनांचं तिकीट कापलं, कारण...फडणवीसांनीच सांगितलं काय घडलं?
Devendra Fadnavis Poonam Mahajan : पूनम महाजन यांना उमेदवारी नाकारण्यात आली. त्यांना तिकीट न देण्याचं देवेंद्र फडणवीस यांनी कारण सांगितलं.
ADVERTISEMENT
बातम्या हायलाइट
पूनम महाजन यांना का दिलं गेलं नाही तिकीट?
पूनम महाजन विधानसभा निवडणूक लढवणार?
देवेंद्र फडणवीस काय म्हणाले?
Devendra Fadnavis on Poonam Mahajan : उत्तर मध्य मुंबई लोकसभा मतदारसंघातून दोन वेळा भाजपच्या खासदार राहिलेल्या पूनम महाजन यांचा पत्ता यावेळी कट करण्यात आला. प्रमोद महाजन यांच्या कन्या असलेल्या पूनम महाजन तिकीट न दिल्याची चर्चा अजूनही थांबलेली नाही. त्यांना तिकीट का नाकारलं गेलं, याबद्दल आता देवेंद्र फडणवीस यांनीच खुलासा केला आहे. महत्त्वाचे म्हणजे पूनम महाजन विधानसभा निवडणूक लढवणार, याचे संकेतही त्यांनी दिले आहेत. (Why did bjp not nominated to Poonam Mahajan in lok sabha election)
उत्तर मध्य मुंबई लोकसभा मतदारसंघातून भाजपने पूनम महाजन यांना उमेदवारी न देता प्रसिद्ध वकील उज्ज्वल निकम यांना तिकीट दिले आहे. पूनम महाजन यांना उमेदवारी न दिल्याची चर्चा अजूनही सुरू आहे.
पूनम महाजनांना का दिलं नाही तिकीट, फडणवीस यांनी सांगितलं कारण
राज्यातील भाजपचे महत्त्वाचे नेते देवेंद्र फडणवीस यांना पूनम महाजन यांच्या उमेदवारीविषयी विचारलं गेलं. त्यावेळी त्यांनी वेगळंच कारण सांगितलं. महत्त्वाचं म्हणजे पूनम महाजन यांना राज्यात आणण्याचा पक्षाचा विचार असल्याचे संकेतही त्यांनी दिलेत.
'द लल्लनटॉप'ला दिलेल्या मुलाखतीत फडणवीस यांनी पूनम महाजनांच्या उमेदवारीबद्दल भाष्य केले.
फडणवीस म्हणाले, "पूनम महाजन यांचा मुद्दा आहे, तर तुम्ही बघितलं असेल अनेक राज्यात जे खासदार आहेत, ते विधानसभेची निवडणूक लढवत आहेत. जे आमदार आहेत, ते खासदारकीची निवडणूक लढवत आहेत. त्यामुळे असा मुद्दा उपस्थित झाला की, काही खासदारांना आपण राज्यामध्ये पाठवलं पाहिजे, कारण लवकरच तिथे निवडणुका होणार आहेत. त्यामुळे हा निर्णय झाला आहे. कुणाचेही तिकीट कापण्यात आलेले नाही."
हे वाचलं का?
