सरकार निर्दयी आहे

मनोज जरांगे 14 दिवसांपासून उपोषणाला बसलेले आहेत, त्यांच्या मागण्यांची सरकारने अजून विचारपूस केलेली नाही, अशी खंत यावेळी दिपके यांनी व्यक्त केली. सरकार निर्दयी आहे, असं म्हणत सरकारने लोकांना वाऱ्यावर सोडलेले आहे, अशी टीकाही दिपके यांनी केली. सरकारने मुलांना जर चांगले शिक्षण, चांगली नोकरी दिली असती तर मनोज जरांगे यांना उपोषणाची वेळ आली नसती, असंही दिपके म्हणाले. 

हे ही वाचा : समजून घ्या : रोहित पवार यांना काँग्रेसचा काय सल्ला? म्हणून राष्ट्रवादीसमोर अट?

मुख्यमंत्री, उपमुख्यमंत्री यांना आवाहन

दिल्लीत सोनम वांगचुक यांना 26 दिवस उपाशी ठेवले होते, तसेच जरांगे यांना पण 26 दिवस उपाशी ठेवायचे आहे का? असा संतप्त सवाल दिपके यांनी सरकारला केला. मुख्यमंत्री आणि उपमुख्यमंत्र्यांनी अंतरवाली सराटीत यावं आणि मनोज जरांगे यांच्याशी बोलावलं, त्यांच्या मागण्या ऐकाव्या, अशी अपेक्षा दिपके यांनी व्यक्त केली आहे. सरकार अपयशी ठरले त्यामुळे मनोज जरांगे यांना उपोषणाला बसावे लागले, असं म्हणत सरकारने मनोज जरांगे यांच्या मागण्या ऐकाव्या आणि समजून घ्याव्या आणि या वर लवकरात लवकर तोडगा काढावा, अशी मागणी दिपके यांनी केली आहे. 

हे ही वाचा : वेदर रिपोर्ट : आधी मुसळधार, नंतर चिंता वाढणार? परतीच्या पावसाचा अंदाज काय?

...तर पूर्ण महाराष्ट्र इथे येईल

जे समाजासाठी लढत आहे त्यांच्याशी बोलायला सरकार तयार नाही, असं म्हणत मनोज जरांगे खूप मोठे आहेत, त्यांना जर हात लावला तर पूर्ण महाराष्ट्र इथे येईल, असा इशाराही दिपके यांनी सरकारला दिला आहे. मनोज जरांगे यांच्या उपोषणाला आमचे समर्थन आहे, मी पण त्यांच्यासोबत मुंबईला जाईन, असंही दीपके यांनी म्हटलंय.