सलग दुसऱ्या दिवशी राहुल गांधी उतरले रस्त्यावर, नवी रणनीती आखली अन्...

खड़गे यांच्या आवाहनानंतर INDIA ब्लॉकचे खासदार दिल्लीतील जनपथ परिसरातील सागर रत्ना रेस्टॉरंटमध्ये एकत्र आले होते. हे ठिकाण जंतर-मंतरपासून अवघ्या 100 मीटर अंतरावर असल्याने परिसरात मोठा पोलीस बंदोबस्त तैनात करण्यात आला आहे. पोलिसांनी बॅरिकेडिंग केली असून BNSS कलम 163 लागू करण्यात आले आहे.

राहुल गांधी म्हणाले, जंतर-मंतरवरच आंदोलन

लंचनंतर राहुल गांधी यांनी आपण विरोधी खासदारांसह जंतर-मंतरकडे जात असल्याचे सांगितले. तेथेच आंदोलन आणि धरना देण्यात येणार असल्याची माहिती त्यांनी दिली.

दरम्यान, दिल्ली पोलीस या संपूर्ण घडामोडींवर बारकाईने लक्ष ठेवून आहेत. खासदार जंतर-मंतर, कनॉट प्लेस किंवा विंडसर पॅलेसच्या दिशेने पुढे गेल्यास त्यांना रोखण्याची तयारी पोलिसांनी केली आहे. खासदारांना थांबवणे किंवा गरज पडल्यास ताब्यात घेण्याच्या प्रक्रियेबाबत पोलिस कर्मचाऱ्यांना सूचना देण्यात आल्याचे या माहितीत नमूद आहे.