4 हजारांहून अधिक पोलीस कर्मचारी

या भव्य मोर्चाची सुरुवात कनॉट प्लेस येथून झाली. हा मोर्चा मिंटो रोड जंक्शन आणि अजमेरी गेटमार्गे रामलीला मैदानापर्यंत पोहोचणार आहे. लोकसभेतील विरोधी पक्षनेते राहुल गांधी यांनी नागरिकांना या रॅलीत मोठ्या संख्येने सहभागी होण्याचे आवाहन केले आहे. या पार्श्वभूमीवर दिल्ली पोलीस पूर्णपणे अलर्ट मोडवर असून संपूर्ण शहरात अत्यंत कडक सुरक्षा व्यवस्था तैनात करण्यात आली आहे. सुरक्षेच्या दृष्टीने मोर्चाचा मार्ग आणि मुख्य कार्यक्रम स्थळावर 4 हजारांहून अधिक पोलीस कर्मचारी आणि केंद्रीय सशस्त्र पोलीस दलाच्या (CAPF) तुकड्या तैनात करण्यात आल्या आहेत.

हे ही वाचा : "मी गेल्यानंतर दुसरं लग्न कर", इंजिनिअरच्या पत्नीची मुलाला घेऊन 18 व्या मजल्यावरुन उडी

व्यापाऱ्यांची भूमिका काय?

सुरक्षेचे गांभीर्य लक्षात घेऊन संपूर्ण रामलीला मैदान परिसर 14 वेगवेगळ्या सुरक्षा झोनमध्ये विभागण्यात आला आहे. या प्रत्येक झोनच्या सुरक्षेची जबाबदारी असिस्टंट कमिशनर रँकच्या अधिकाऱ्यांकडे सोपवण्यात आली आहे. दरम्यान, दिल्लीतील व्यापारी आणि उद्योगपतींची सर्वोच्च संस्था 'चेंबर ऑफ ट्रेड अँड इंडस्ट्री'ने (CTI) या रॅलीला विरोध दर्शवला आहे. CTI ने राहुल गांधींना आवाहन करताना म्हटले होते की, राजकारणाच्या बाजारात व्यापाऱ्यांची प्रेमाची दुकाने बंद करू नका, कारण अशा मोठ्या रॅलींमुळे व्यापारावर विपरीत परिणाम होतो.

हे ही वाचा : पैसा-पाणी : खरंच देशातील बँका काँग्रेसने उभारल्या?

राहुल गांधी काय म्हणाले?

व्यापाऱ्यांच्या या भूमिकेवर प्रतिक्रिया देताना राहुल गांधी यांनी सांगितले की, सध्या सण-उत्सवांचा काळ आहे. दिवाळी, छठपूजा आणि भाऊबीजेचे दिवस जवळ आले आहेत. अशा वेळी दिल्लीत बाहेरून येणाऱ्या लाखो लोकांनी स्थानिक व्यापाऱ्यांना मदत करावी, अशी माझी इच्छा आहे. राहुल गांधी पुढे म्हणाले की, "तुम्ही सर्वांनी निदर्शने, मार्च आणि रॅलीमध्ये जरूर सहभागी व्हा, पण त्यासोबतच थोडी खरेदीही करा; ज्यामुळे स्थानिक व्यापाऱ्यांचा फायदा होईल."