BJP: ‘जीवात जीव असेपर्यंत मी..’ अजित पवारांकडून एक घाव दोन तुकडे!
Ajit Pawar NCP: राष्ट्रवादी काँग्रेसचे 40 आमदार भाजपसोबत जाणार असल्याच्या चर्चेने जोर धरलेला असतानाच आता याबाबत अजित पवार यांनी माध्यमांसमोर येऊन नेमकी भूमिका स्पष्ट केली आहे.
ADVERTISEMENT
मुंबई: राज्याचे विरोधी पक्षनेते अजित पवार (Ajit Pawar) हे राष्ट्रवादी काँग्रेसच्या (NCP) 40 आमदारांसोबत भाजपसोबत (BJP) जाणार असल्याच्या चर्चांनी प्रचंड जोर धरला होता. यामुळे राज्यात नवं राजकीय समीकरण पाहायला मिळेल अशी चर्चाही सुरू झाली होती. अखेर याबाबत स्वत: अजित पवारांनी मुंबईत पत्रकारांशी संवाद साधत त्यांची नेमकी काय भूमिका आहे आणि त्यांनी नेमका काय निर्णय घेतलाय याबाबत भाष्य केलं आहे. (ajit pawar has clearly declared his position whether he will go with bjp or not)
महाविकास आघाडी एकत्र असल्यास भाजपला राज्यात सत्ता मिळविण्यासाठी झगडावं लागू शकतं. अशावेळी अजित पवारांसारखा नेता आपल्या हाती लागल्यास मोठा फायदा होऊ शकतो. असं भाजपच्या अनेक नेत्यांचं म्हणणं आहे. त्यामुळेच अजित पवार यांना भाजपसोबत घेण्याच्या चर्चा धरू लागल्या होत्या. त्यामुळेच या सगळ्या परिस्थितीबाबत स्पष्टता यावी म्हणून अजित पवार यांनी थेट माध्यमांसमोर येऊन आपली भूमिका मांडली.
हे ही वाचा>> Ajit Pawar: ‘राष्ट्रवादी भाजपसोबत एकत्र आली तर शिवसेना सत्तेतून बाहेर पडणार’
यावेळी अजित पवार यांनी त्यांच्याविषयी ज्या काही चर्चा सुरू आहेत त्याबाबत एक अगदी स्पष्टपणे सांगितलं की, ‘माझ्या जीवात जीव असेपर्यंत मी राष्ट्रवादी काँग्रेस पक्षाचं काम करेन.’ असं म्हणत अजित पवार यांनी त्यांच्या भाजपमध्ये जाण्याच्या चर्चेबाबत एक घाव दोन तुकडे केले आहेत.
पाहा अजित पवार भाजपमध्ये जाण्याविषयी नेमकं काय म्हणाले:
‘आपण ज्या काही सातत्याने माझ्याबद्दलच्या बातम्या दाखवत आहात.. मी आपल्याला सांगेन की, त्यात यत्किंचितही तथ्य नाही. कोणत्याही आमदारांच्या सह्या घेण्यात आलेल्या नाहीत. आम्ही सगळे राष्ट्रवादी काँग्रेसमध्ये आहोत आणि पक्षातच कायम राहणार आहोत. बाकी सगळ्या अफवा आहेत.’ असं म्हणत अजित पवार यांनी त्यांच्याबाबत सगळ्या चर्चांना पूर्णविराम दिला आहे.
हे वाचलं का?
