धनुष्यबाण चिन्ह गोठवलं तर, कोणाला फायदा? आंबेडकरांचं मोठं विधान
Prakash Ambedkar on shivsena party symbol : शिवसेनेच्या पक्षचिन्हावर सर्वोच्च न्यायालयात सुरू असलेल्या सुनावणीवर वंचितचे प्रमुख प्रकाश आंबेडकर यांनी आपली भूमिका मांडली आहे. धनुष्यबाण चिन्ह गोठवले जाण्याची शक्यता अधिक असल्याचे त्यांनी म्हटले आहे.
ADVERTISEMENT
बातम्या हायलाइट
धनुष्यबाण चिन्ह गोठवलं तर, कोणाला फायदा?
प्रकाश आंबेडकरांचं मोठं विधान
Prakash Ambedkar on Shiv Sena Supreme Court Hearing : शिवसेनेच्या पक्षचिन्हाची सुनावणी सध्या सर्वोच्च न्यायालयात सुरू आहे. धनुष्यबाण हे पक्षचिन्ह कोणाला मिळणार आणि मूळ शिवसेना कोणाची, यावर या सुनावणीत युक्तिवाद सुरू आहेत. या संपूर्ण प्रकरणाचा पुढे काय निकाल लागू शकतो आणि त्याचा कोणाला फायदा होईल, याबाबत वंचित बहुजन आघाडीचे प्रमुख प्रकाश आंबेडकर यांनी भूमिका मांडली आहे. त्यांच्या मते, या संपूर्ण प्रकरणाचा फायदा भारतीय जनता पक्ष आणि अमित शाह यांना होण्याची शक्यता आहे.
हेही वाचा : नऊ वर्षांच्या मुलीवर भावासमोर लैंगिक अत्याचार, अखेर कुटुंबीयांना सांगितला घटनेचा थरार
"भाजपला वेगळी फोडाफोड करण्याची गरज पडणार नाही"
प्रकाश आंबेडकर म्हणाले की, या प्रकरणाचा परिणाम असा होऊ शकतो की दोन्ही खासदार भाजपमध्ये जाऊ शकतात. त्यामुळे भाजपला वेगळी फोडाफोड करण्याची गरज पडणार नाही, असे त्यांनी म्हटले. शिवसेनेच्या दोन्ही गटांमध्ये सुरू असलेल्या या वादातून नेमका कोणाला फायदा होईल, याबाबत विचारले असता त्यांनी थेट भाजप आणि अमित शाह यांचा उल्लेख केला. या प्रकरणाचा पुढील परिणाम पाहता भाजपसाठी परिस्थिती अनुकूल होऊ शकते, असे त्यांचे म्हणणे आहे.
हेही वाचा : शिंदेंच्या हातून धनुष्यबाण सुटणार की राहणार? सुप्रीम कोर्टातील सुनावणी जशीच्या तशी