संभाजी भिंडेंनी साईबाबांना घातल्या शिव्या, रोहित पवारांनी फडणवीसांचाच दाखवला फोटो
संभाजी भिडेंनी शिर्डीच्या साईबाबांवर शिवराळ भाषेत टीका केली होती. त्यानंतर आता आमदार रोहित पवार यांनी देवेंद्र फडणवीस यांचा फोटो शेअर करत पलटवार केलाय.
ADVERTISEMENT
Sambhaji Bhide Controversy : शिव प्रतिष्ठानचे संभाजी भिडे यांनी महापुरुषांबद्दल गरळ ओकताना साईबाबांवर शिवराळ भाषेत टीका केली. यावरून बरंच राजकारण झालं. भिडे आमचे गुरूजी आहे, म्हणत देवेंद्र फडणवीस यांनी यावर भूमिका मांडली. पण, आता फडणवीसांचा एक फोटो दाखवत आमदारा रोहित पवार यांनी संभाजी भिडेंची कोंडी केलीये. महत्त्वाचं म्हणजे रोहित पवारांनी फडणवीसांचे आभार मानलेत.
आमदार रोहित पवार यांनी देवेंद्र फडणवीस यांचं अभिनंदन का केलं? हे समजून घेण्यापूर्वी संभाजी भिडे शिर्डीच्या साईबाबांबद्दल काय बोलले होते, हे बघणं आवश्यक ठरतं.
वाचा >> Sambhaji Bhide: शिर्डीच्या साईबाबांना शिव्या दिल्या, आता भिडेंवर थेट…
अमरावतीत झालेल्या एका कार्यक्रमात बोलताना संभाजी भिडेंनी महात्मा गांधी, महात्मा फुले यांच्याबरोबरच शिर्डीच्या साईबाबांबद्दल अर्वाच्य भाषेत टीका केली होती. भिडे म्हणाले होते की, “हिंदू समाज साईबाबाला पुजतो, तो साईबाबा काय लायकीचा भ@#वा आहे, एकदा पाहा तुम्ही. मी काय बोलतोय, जागा आहे बरं का… मी काय टकूरं सरकलेला माणूस नाहीये. हराम@#$ साईबाबा देवाच्या सिंहासनावर जाऊन बसलाय.”
रोहित पवारांचं ट्विट काय?
हा वाद राज्यात बराच गाजला. या वादाची धूळ खाली बसलेली असतानाच आता रोहित पवारांनी संभाजी भिंडेंना डिवचलंय. रोहित पवारांनी एक फोटो ट्विट केला आहे. या फोटोत उपमुख्यमंत्री देवेंद्र फडणवीस हे साईबाबाचे दर्शन घेत आहेत. त्यांच्यासोबत अजित पवारही दिसत आहे.
हे वाचलं का?
