समजून घ्याः C Voter चा सर्व्हे.. NEET सह परीक्षांमध्ये गोंधळ, तरूणांमध्ये प्रचंड संताप?
NEET सह CBSE परीक्षा गोंधळावरून तरूणांमध्ये मोठ्या प्रमाणात संताप असल्याचे दावे केले जात आहेत. आधीच रस्त्यावर उतरून आंदोलनं सुरू आहेत, त्याक कॉक्रोच जनता पार्टीही धर्मेंद्र प्रधान यांच्या राजीनाम्याची मागणी करतेय. मात्र नेमकं वास्तव काय, हे सी व्होटरच्या सर्व्हेमधून दिसून आलं आहे. समजून घ्या या विषयी सविस्तरपणे.
ADVERTISEMENT
मुंबईः देशभरात गेल्या काही महिन्यांपासून NEET परीक्षेतील कथित पेपरफुटी, CBSE च्या ऑनलाइन मूल्यांकन प्रणालीवरील वाद आणि विविध स्पर्धा परीक्षांमधील गोंधळामुळे विद्यार्थी, पालक आणि तरुणांमध्ये तीव्र नाराजी निर्माण झाल्याचे दिसून येत आहे. या पार्श्वभूमीवर करण्यात आलेल्या C-Voter सर्वेक्षणातून शिक्षण व्यवस्थेबद्दलचा विश्वास डळमळीत होत असल्याचे चित्र समोर आले आहे.
NEET गोंधळाचा फटका बसलेले विद्यार्थी
सर्वेक्षणात सहभागी झालेल्या नागरिकांना त्यांच्या कुटुंबात किंवा ओळखीमध्ये NEET परीक्षेला बसलेले विद्यार्थी होते का, असा प्रश्न विचारण्यात आला. त्यावर जवळपास 50 टक्के लोकांनी आपल्या ओळखीतील किंवा कुटुंबातील विद्यार्थ्यांना या गोंधळाचा फटका बसल्याचे सांगितले. त्यापैकी 45 टक्के लोकांनी "प्रचंड नाराजी" असल्याचे नमूद केले, तर काही प्रमाणात नाराजी असल्याचे सांगणाऱ्यांची संख्याही मोठी होती.
पेपरफुटी प्रकरणात सर्वाधिक जबाबदार कोण?
