संजय राऊत फिल्म बनवणार, संसदेतच घोषणा, भाषण करत असताना जोरदार राडा
Sanjay Raut rajya sabha speech : राज्यसभेत संजय राऊत यांनी विद्यार्थ्यांच्या आंदोलनाचा मुद्दा उपस्थित करत केंद्र सरकारवर जोरदार हल्लाबोल केला. भाषणादरम्यान 'लापता गृहमंत्री' नावाचा चित्रपट बनवणार असल्याची घोषणा करत त्यांनी सत्ताधाऱ्यांना लक्ष्य केले.
ADVERTISEMENT
बातम्या हायलाइट
संजय राऊत फिल्म बनवणार, संसदेतच घोषणा
भाषण करत असताना जोरदार राडा
Sanjay Raut rajya sabha speech : राज्यसभेत ठाकरे गटाचे खासदार संजय राऊत यांनी विद्यार्थ्यांच्या आंदोलनाचा मुद्दा उपस्थित करत केंद्र सरकारवर जोरदार टीका केली. भाषणाची सुरुवात त्यांनी कवी पाश यांच्या ओळींनी केली. "सर्वात धोकादायक गोष्ट म्हणजे आपल्या स्वप्नांचा मृत्यू होणे," असे सांगत त्यांनी देशातील लाखो युवकांची स्वप्ने संपुष्टात आली आहेत किंवा संपवली गेली आहेत, असा आरोप केला. 20 जुलै रोजी जंतरमंतरवर विद्यार्थ्यांवर लाठीमार, अश्रुधूर आणि पेललेट गनचा वापर करण्यात आल्याचा दावा करत त्यांनी सरकारवर निशाणा साधला. अनेक वरिष्ठ नेत्यांची राजकीय कारकीर्द विद्यार्थी आंदोलनातून सुरू झाली, मात्र आंदोलन करणाऱ्या विद्यार्थ्यांच्या बाजूने कोणीही उभे राहिले नाही, अशी खंतही त्यांनी व्यक्त केली.
हेही वाचा : नागपूर: महिला क्रिकेटरनं गळफास घेत संपवलं जीवन, सुसाईड नोटमध्ये 'ते' धक्कादायक कारण
'लापता गृहमंत्री' नावाचा चित्रपट बनवणार, संजय राऊतांची घोषणा
यानंतर संजय राऊत यांनी थेट पंतप्रधान आणि गृहमंत्र्यांवर टीका केली. विद्यार्थ्यांची मागणी ही देशातील शिक्षण व्यवस्थेतील भ्रष्टाचार थांबवण्याची असल्याचे सांगत त्यांनी पंतप्रधान आणि गृहमंत्री या आंदोलनापासून घाबरल्याचा आरोप केला. याचवेळी त्यांनी, मी एक 'लापता गृहमंत्री' नावाचा चित्रपट बनवणार असल्याची घोषणा केली. "प्रत्येक विषयावर प्रतिक्रिया देणारे आणि प्रत्येक गोष्टीचे श्रेय घेणारे गृहमंत्री इतके मोठे आंदोलन झाले, विद्यार्थ्यांवर लाठीमार झाला, तरी एकही वक्तव्य करताना दिसले नाहीत", असंही ते म्हणाले. या विधानानंतर सभागृहात गदारोळ निर्माण झाला आणि सत्ताधारी सदस्यांनी आक्षेप नोंदवत जोरदार घोषणाबाजी केली.
हेही वाचा : 'कॉलेजचे 7 हजार विद्यार्थी HIV पॉझिटिव्ह', हा दावा अन् सगळेच हादरले.. सरकारकडून स्पष्टीकरण जारी