राज ठाकरेंना धक्का, नितेश राणेंनी खास माणूस फोडला, देवेंद्र फडणवीसांच्या भेटीनंतर संतोष धुरींची पहिली प्रतिक्रिया
Santosh Dhuri has left Raj Thackeray MNS side : मनसे अध्यक्ष राज ठाकरे यांचे विश्वासू मानले जाणारे माजी नगरसेवक संतोष धुरी यांनी मुख्यमंत्री देवेंद्र फडणवीस यांची भेट घेतल्यानंतर भाजपमध्ये प्रवेश करण्याचा निर्णय घेतलाय. भाजप नेते नितेश राणे यांनी मनसेतील हा ‘खास माणूस’ फोडल्याची चर्चा रंगली असून, या घडामोडीमुळे मनसेतील अंतर्गत नाराजी पुन्हा एकदा समोर आली आहे.
ADVERTISEMENT
बातम्या हायलाइट
राज ठाकरेंना धक्का, नितेश राणेंनी खास माणूस फोडला
देवेंद्र फडणवीसांच्या भेटीनंतर संतोष धुरींची पहिली प्रतिक्रिया
Santosh Dhuri has left Raj Thackeray MNS side :मुंबई महापालिका निवडणुकीच्या पार्श्वभूमीवर मनसेला आणखी एक मोठा धक्का बसला आहे. मनसे अध्यक्ष राज ठाकरे यांचे विश्वासू मानले जाणारे माजी नगरसेवक संतोष धुरी यांनी मुख्यमंत्री देवेंद्र फडणवीस यांची भेट घेतल्यानंतर भाजपमध्ये प्रवेश करण्याचा निर्णय घेतलाय. भाजप नेते नितेश राणे यांनी मनसेतील हा ‘खास माणूस’ फोडल्याची चर्चा रंगली असून, या घडामोडीमुळे मनसेतील अंतर्गत नाराजी पुन्हा एकदा समोर आली आहे.
ठाकरेंना जागा सुटल्याने सुरेश धुरी नाराज, थेट भाजप प्रवेशाचा निर्णय
संतोष धुरी हे वॉर्ड क्रमांक 194 मधून मनसेकडून इच्छूक उमेदवार होते. मात्र, शिवसेना (उद्धव ठाकरे गट) आणि मनसे यांच्यातील जागावाटपात हा वॉर्ड उद्धव ठाकरे यांच्या शिवसेनेला सुटल्यामुळे धुरी यांचे तिकीट कापले गेले. याच वॉर्डमध्ये शिंदे गटाचे माजी नगरसेवक समाधान सरवणकर यांच्या विरोधात निशिकांत शिंदे यांना उमेदवारी देण्यात आल्याने धुरी अधिकच नाराज झाले होते. अनेक वर्षे पक्षासाठी काम करूनही आपल्याला डावलले गेल्याची भावना त्यांच्या मनात होती.
याच पार्श्वभूमीवर संतोष धुरी यांनी मुख्यमंत्री देवेंद्र फडणवीस यांची भेट घेतली. या भेटीनंतर आज ते अधिकृतपणे भारतीय जनता पक्षात प्रवेश करणार असल्याची माहिती सूत्रांनी दिली आहे. या राजकीय हालचालींमागे नितेश राणेंची महत्त्वाची भूमिका असल्याचंही बोललं जात आहे. मनसेच्या एका जुन्या चेहऱ्याचा भाजपमध्ये प्रवेश हा राज ठाकरे यांच्यासाठी मोठा धक्का मानला जात आहे.
हेही वाचा : महिला IAS अधिकाऱ्याच्या घरात सुरु होतं सेक्स रॅकेट, 4 मुली अन् 5 मुलं नको त्या अवस्थेत सापडल्याने खळबळ
हे वाचलं का?
