Security Breach in Lok Sabha: लातूरच्या अमोल शिंदेला ‘ती’ तरूणी कशी भेटली?, वाचा Inside Story
Security Breach: लोकसभेत आणि संसदेबाहेर गदारोळ करणाऱ्या चार तरुणांबाबत नवनवी माहिती समोर येत आहे. यामध्ये एका मुलीचाही समावेश आहे जी महाराष्ट्रातील अमोल शिंदेसोबत संसदेबाहेर घोषणाबाजी करत होती.
ADVERTISEMENT
Security Breach in Parliament: लोकसभेत अधिवेशन सुरू असतान दोन तरुणांनी प्रेक्षक गॅलरीतून अचानक सभागृहात उडी मारली. यावेळी एका व्यक्तीच्या हातात काहीतरी होते ज्यातून एक पिवळ्या रंगाचा वायू बाहेर पडत होता. एकीकडे हा सगळा गदारोळ सुरू असताना दुसरीकडे आज (13 डिसेंबर) संसदेबाहेरही गदारोळ पाहायला मिळाला. संसदेच्या बाहेर एक मुलगी आणि एका तरुणाने घोषणाबाजी करत फटाक्याच्या रंगीत धूर सोडला. संसदेच्या सुरक्षेतील या हलगर्जीपणामुळे अनेक मुद्दे आता समोर आले आहेत. यातच महाराष्ट्रातील अमोल शिंदे आणि त्याच्यासोबतच्या तरुणीचीही बरीच चर्चा सोशल मीडियावर सुरू आहे. (security breach in lok sabha and parliament how did haryana girl neelam meet amol shinde read inside story)
बुधवारी लोकसभेत प्रवेश करून गोंधळ घालणारे हे तरुण कोण होते, हे सर्वांना जाणून घ्यायचे आहे. तसेच संसदेबाहेर गदारोळ करणारे कोण होते? याबाबतही आता नवी माहिती समोर आली आहे.
संसदेबाहेर आणि आत गोंधळ घालणारे चौघे एकमेकांना ओळखत असावेत आणि त्यांचा उद्देश एकच होता, असे प्राथमिक तपासात समोर आले आहे. सोशल मीडियाच्या माध्यमातून ते एकमेकांना भेटले आणि मग ही योजना बनवली गेली.
हे वाचलं का?
ADVERTISEMENT
लोकसभेत उडी मारलेल्यांची नावे सागर शर्मा आणि मनोरंजन असल्याचे सांगण्यात येत आहे. मनोरंजन 35 वर्षांचा असून तो कर्नाटकातील म्हैसूरचे रहिवासी आहे. त्यांनी म्हैसूरच्या विवेकानंद विद्यापीठातून कॉम्प्युटर सायन्समध्ये इंजिनीअरिंग केले आहे. या दोन्ही व्यक्तींनी भारतीय जनता पक्षाचे म्हैसूरचे खासदार प्रताप सिम्हा यांच्या पासवर संसदेत प्रवेश केला होता.
ADVERTISEMENT
In a chilling reminder to the Parliament attack 21 years back on the same day (Dec 13), a man jumped from visitors’ gallery into Lok Sabha MPs area. The breach could’ve put lives of MPs in danger. It has exposed chinks in the 56inch armour. The man was a guest of @BJP4India MP. pic.twitter.com/qhPX4C4Dia
— Kunwar Danish Ali (@KDanishAli) December 13, 2023
ADVERTISEMENT
मनोरंजनाचे वडील देवराज गौडा यांनी प्रसारमाध्यमांना सांगितले की, ‘माझा मुलगा चांगला आहे. तो प्रामाणिक आहे. त्याला समाजकार्य करायला आवडते. समाजाच्या कल्याणासाठी त्याग करणे त्याला आवडते. तो स्वामी विवेकानंदांची पुस्तके वाचत होता. पण त्यामुळे त्याच्यात अशी मानसिकता निर्माण झाली की नाही हे मी ठामपणे सांगू शकत नाही.’
संसदेबाहेर गदारोळ करणारे कोण होते?
लोकसभेत गोंधळ सुरू असताना एक महिला आणि पुरुषाने संसदेबाहेर अशीच निदर्शनं केली. यावेळी त्यांनी ‘हुकूमशाही चालणार नाही’ अशा घोषणा दिल्या. त्यांच्याकडेही असेच साहित्य होते, ज्यातून पिवळ्या रंगाचा धूर बाहेर पडत होता. बाहेर अशा प्रकारचं कृत्य करणारा हा तरूण महाराष्ट्रातील लातूरमधील असून त्याचं नाव अमोल शिंदे असं असल्याचं समजतं आहे. तर त्याच्यासोबत असलेल्या तरुणीचं नाव नीलम असे आहे. ती हरियाणातील जींद येथील आहे. नीलम हिसारमधील पीजीमध्ये राहून नागरी सेवांची तयारी करते. मिळालेल्या माहितीनुसार, त्यांना राजकारणात खूप रस आहे.
संसद सुरक्षा उल्लंघन मामले में प्रारंभिक जांच विवरण से जानाकारी मिली है कि दो लोग नीलम और अमोल(परिसर के अंदर संसद भवन के बाहर पकड़े गए) मोबाइल फोन नहीं ले जा रहे थे। उनके पास कोई बैग या पहचान पत्र नहीं था। उनका दावा है कि वे खुद संसद पहुंचे और उन्होंने किसी भी संगठन से जुड़ने से… https://t.co/09ucUEMSs9
— ANI_HindiNews (@AHindinews) December 13, 2023
कोण आहेत भाजप खासदार प्रताप सिम्हा?
लोकसभेत उडी घेतलेले दोघेही तरुण हे भाजप खासदार प्रताप सिम्हा यांच्या नावाने व्हिजिटर पासवर दाखल झाले होते. 2014 मध्ये, प्रताप सिम्हा कर्नाटकातील म्हैसूर मतदारसंघातून निवडणूक जिंकून पहिल्यांदा लोकसभेत पोहोचले. 2019 मध्ये काँग्रेसच्या सीएच विजयशंकर यांचा पराभव करून प्रताप सिम्हा दुसऱ्यांदा लोकसभेत पोहोचले. याआधी प्रताप सिम्हा भारतीय जनता युवा मोर्चाचे (BJYM) राष्ट्रीय अध्यक्षही होते. प्रताप सिम्हा यांचा जन्म 21 जून 1976 रोजी कर्नाटकातील हसन जिल्ह्यातील सकलेशपूर येथे झाला. राजकारणात येण्यापूर्वी प्रताप सिम्हा कन्नड वृत्तपत्र विजय कर्नाटकशी संबंधित होते. प्रताप सिम्हा हिंदुत्वाच्या समर्थनार्थ “बेतले जगट्टू” (नग्न जग) नावाचा स्वतःचा स्तंभ देखील लिहितात.
ADVERTISEMENT