Maratha Morcha : ‘मराठा आरक्षणाला शरद पवारांचा पाठिंबा नाही’; भाजपने दिला पुरावा

ही भूमिका  दुटप्पी

केशव उपाध्ये यांनी राष्ट्रवादी काँग्रेसचे अध्यक्ष शरद पवार यांच्यावर टीका करताना त्यांनी नेहमीच मराठा समाजावर अन्याय केला आहे. त्यांची भूमिका ही दुटप्पी कशी होती हे पाहायचे असेल तर त्यांनी लिहिलेले लोक माझे सांगातीमधून स्पष्ट दिसून येते अशा शब्दात त्यांनी त्यांच्यावर हल्लाबोल केला आहे.

हे ही वाचा >> Maratha Morcha : उदयनराजेंनी उद्धव ठाकरेंच्या सरकारवरच फोडलं खापर, म्हणाले…

लोक माझे सांगाती

गेल्या अनेक वर्षापासून मराठा समाजाचा कसा विकास होत नाही हेही त्यांनी त्यांच्या आत्मचरित्रात सांगितले आहे. याविषयीही त्यांनी लोक माझे सांगातीमध्ये स्पष्टपणे त्यांनी लिहिले असल्याचेही त्यांनी सांगितले.

असंतोष वाढला

त्याच बरोबर मराठा आरक्षणाविषयी तीस ते चाळीस वर्षापासून असंतोष वाढत होता, मग मराठा सक्षमीकरणासाठी शरद पवारांनी काय प्रयत्न केले तर काहीच नाही असा ठपकाही त्यांनी त्यांच्यावर ठेवला आहे.

पवार साहेबांच्या वाजत गाजत आलेल्या लोक माझे सांगाती या आत्मचरित्राचा बारकाईने अभ्यास केला तर त्यांची दुटप्पी भूमिका लक्षात येईल….

मराठा तरुणांमध्ये असंतोष वाढत गेल्याचे मुद्दे त्यांनी पुस्तकात मांडले आहेत… या काळात ते सत्तेवरही होते. त्यावेळी मराठा समाजाला शांत करण्यासाठी… pic.twitter.com/AyML25Q0c6

— Keshav Upadhye (@keshavupadhye) September 3, 2023

तरुणांना मोठी संधी प्राप्त

केशव उपाध्ये म्हणाले की, आरक्षण देण्यात थेट अडचणी होत्या असं शरद पवार यांनीच आपल्याच आत्मचरित्रात सांगितले आहे. मात्र त्यासाठी वेगळ्या पद्धतीने मार्ग का काढले नाहीत. ज्या प्रकारे देवेंद्र फडणवीस यांनी सारथीसारखे प्रयोग करुन त्यांनी मराठा समाजातील तरुणांना मोठी संधी प्राप्त करुन दिली, मात्र शरद पवार त्यासाठी कोणतेही प्रयत्न केले नाहीत असा गंभीर आरोपही त्यांनी त्यांच्यावर केला आहे.

हे ही वाचा >> Eknath shinde : अजित पवार, देवेंद्र फडणवीस कार्यक्रमाला का होते गैरहजर?

चांगले वकील का नाहीत

उपमुख्यमंत्री देवेंद्र फडणवीस यांनी आरक्षण मिळवलं आणि त्यांनी ते टिकवलंही होतं मात्र पुढील अडीच वर्षात मराठा आरक्षणासाठी चांगले वकील शरद पवार यांनी का दिले नाहीत असा सवालही केशव उपाध्ये यांनी केला आहे.

हे वादग्रस्त ठरु शकतं

मराठा आरक्षणाबाबत त्यांनी आता खुलासा केला पाहिजे. त्याच बरोबर आरक्षण देणं हे वादग्रस्त ठरु शकतं हे त्यांचेच विधान सध्याच्या काळात वादग्रस्त वाटू शकतं मात्र हे विधान त्यांच्याच पुस्तकात असल्याचेही त्यांनी सांगितले.