मतं पक्षाला की आमदाराला? कोर्टाने निवडणूक आयोगाला या मुद्द्यात कसं पकडलं?
Shiv Sena supreme court hearing : शिवसेना पक्ष आणि धनुष्यबाण चिन्हाच्या प्रकरणात निवडणूक आयोगाने केलेल्या मतांच्या गणितावर सुप्रीम कोर्टाने प्रश्न उपस्थित केले आहेत. 2019 मध्ये एकसंध शिवसेनेला मिळालेली मते नंतरच्या पक्षफुटीनुसार शिंदे किंवा ठाकरे गटात विभागता येतील का, यावर सुनावणीत चर्चा झाली.
ADVERTISEMENT
बातम्या हायलाइट
मतं पक्षाला की आमदाराला?
कोर्टाने निवडणूक आयोगाला या मुद्द्यात कसं पकडलं?
Shiv Sena supreme court hearing : शिवसेना पक्ष आणि धनुष्यबाण चिन्हाच्या वादावर सर्वोच्च न्यायालयात अंतिम सुनावणी सुरू आहे. निवडणूक आयोगाने एकनाथ शिंदे यांच्या गटाला शिवसेना पक्ष म्हणून मान्यता देताना विधिमंडळातील बहुमतासोबतच आमदार आणि खासदारांना मिळालेल्या मतांचा आधार घेतला होता. मात्र, या मतांच्या विभागणीवर सर्वोच्च न्यायालयाचे न्यायमूर्ती जॉयमला बागची यांनी प्रश्न उपस्थित केले आहेत. 2019 मध्ये मतदान झाले, तेव्हा शिवसेना एकसंध होती. त्यामुळे त्या निवडणुकीत शिवसेनेच्या उमेदवारांना मिळालेली मते नंतर पक्षात फूट पडल्यानंतर शिंदे किंवा उद्धव ठाकरे यांच्या गटाची मते म्हणून थेट मोजता येतील का, असा मुद्दा सुनावणीदरम्यान न्यायमूर्तींनी उपस्थित केला.
हेही वाचा : 15 ऑक्टोबरपासून दुकानदार UPI पेमेंटसाठी अतिरिक्त पैसे घेऊ शकतात? तुमच्या मनातील 7 प्रश्नांची उत्तरे
ठाकरे आणि शिंदेंच्या बाजूने किती खासदार-आमदार होते?
निवडणूक आयोगाच्या निकालानुसार, 2022 मध्ये शिवसेनेचे विधानसभेत 55 आमदार होते. त्यापैकी 40 आमदार एकनाथ शिंदे यांच्यासोबत, तर 15 आमदार उद्धव ठाकरे यांच्या गटासोबत होते. विधान परिषदेत शिवसेनेचे 12 आमदार होते आणि हे सर्व 12 आमदार उद्धव ठाकरे यांच्या गटासोबत होते. लोकसभेतील 19 खासदारांपैकी 13 खासदार शिंदे गटासोबत गेले होते. उद्धव ठाकरे यांच्या गटाकडून सहा खासदारांचा दावा करण्यात आला होता, मात्र निवडणूक आयोगाकडे चार खासदारांचे प्रतिज्ञापत्र आल्याचे सांगण्यात आले. तरी आयोगाच्या गणितात उद्धव ठाकरे यांच्या गटासोबत पाच खासदार दाखवण्यात आले. राज्यसभेतील तीनही खासदार उद्धव ठाकरे यांच्यासोबत होते.