Shivaji Maharaj: परवानगी फक्त 6 फुटाच्या पुतळ्याला, अचानक कोणी वाढवली महाराजांच्या पुतळ्याची उंची?
सिंधुदुर्ग येथील राजकोट किल्ल्यावर जो शिवाजी महाराजांचा जो पुतळा होता तो केवळ 6 फुटांचा असायला हवा होता. कारण कला संचलनालयाकडून केवळ तेवढ्याच उंचीच्या पुतळ्याला परवानगी देण्यात आली होती.
ADVERTISEMENT
बातम्या हायलाइट
सिंधुदुर्गातील शिवाजी महाराजांचा पुतळ्याबाबत नवनव्या गोष्टी समोर
कला संचलनालयाचे संचालक राजीव मिश्रा यांनी केला प्रचंड मोठा खुलासा
कला संचलनालयाकडून फक्त 6 फूट उंचीच्या पुतळ्याला देण्यात आलेली परवानगी
मुंबई: सिंधुदुर्ग येथील राजकोट किल्ल्यावरील शिवाजी महाराजांचा जो पुतळा कोसळल्यानंतर आता या सगळ्याच प्रकरणी अनेक धक्कादायक खुलासे हे केले जात आहेत. आता कला संचलनालयाचे संचालक राजीव मिश्रा यांनी एक प्रचंड मोठा खुलासा केला. ज्यामुळे पुतळा प्रकरणात नेमकं काय घडलं याबाबत आता अनेक सवाल उपस्थित केले जात आहेत. (sindhudurg rajkot only a 6 foot statue was allowed by directorate of art who exactly increased the height of shivaji maharaj statue)
महाराष्ट्रात कोणत्याही महापुरुषाचा पुतळा उभारण्याआधी त्याला कला संचलनालयाची परवानगी ही अत्यंत आवश्यक असते. जेव्हा राजकोट किल्ल्यावर शिवाजी महाराजांच्या पुतळ्याबाबत शिल्पकार जयदीप आपटेने कला संचलनालयाची परवानगी मागितली त्यावेळी संचलनालयाने त्याला केवळ 6 फुटाच्या पुतळ्याची परवानगी देण्यात आली होती.
हे ही वाचा>> Shivaji Maharaj Statue: शिंदे सरकारचं डॅमेज कंट्रोल सुरू, 'वर्षा'वरच्या 'त्या' बैठकीतील Inside स्टोरी
राज्य कला संचलनालयाचे सचिव राजीव मिश्रा यांनी टीव्ही 9 मराठी या वृत्तवाहिनीला दिलेल्या एका मुलाखतीत खुलासा करताना सांगितलं की, कला संचलनालयाने राजकोट किल्ल्यावर केवळ 6 फुटाच्या पुतळ्याची परवानगी दिली होती. मात्र, शिल्पकाराने आम्हाला अंधारात ठेवत पुतळ्याची उंची वाढवली.
कला संचलनालयाचा मोठा खुलासा...
राजीव मिश्रा यांनी मुलाखतीत म्हटलं की, 'कोणतेही महापुरुष आणि छत्रपती शिवाजी महाराज यांच्या पुतळ्याबाबतीत आपल्या महाराष्ट्रात एक जीआर आहे, धोरण आहे की, कुठल्याही पुतळ्याला परवानगी ही कला संचलनालयाकडून घ्यावीच लागते. नाहीतर पुतळा उभारता येत नाही.'
हे वाचलं का?
