PM Modi speech : ‘जेव्हा कुटुंब जुनं घर सोडून….’, मोदींचं भावनिक भाषण
Modi Speech in parliament special session 2023 : संसदेच्या पाच दिवसीय विशेष अधिवेशनाला 18 सप्टेंबरपासून सुरूवात झाली. अधिवेशनाच्या सुरूवातीला पंतप्रधान मोदींनी सभागृहाला संबोधित केले.
ADVERTISEMENT
Parliament Special Session 2023 PM Modi Speech live Marathi : संसदेचं विशेष अधिवेशन सुरू झाले. जुन्या संसदेतील हे शेवटचं अधिवेशन असून, यावेळी बोलताना पंतप्रधान मोदी भावूक झाले. जुन्या संसदेच्या आठवणींना उजाळा देताना पंतप्रधान मोदींनी विविध मुद्द्यांवर भाष्य केले. (Prime Minister Narendra Modi’s Speech in Parliament Today)
पंतप्रधान नरेंद्र मोदी म्हणाले, “75 वर्षांचा संसदीय प्रवास पुन्हा एकदा आठवण्याची… नव्या सभागृहात प्रवेश करण्यापूर्वी ते प्रेरणादायी क्षण आणि इतिहासातील महत्त्वाचे क्षण आठवून पुढे जाण्याची ही संधी आहे. या ऐतिहासिक वास्तूला आपण सर्वजण निरोप देत आहोत.”
“स्वातंत्र्यानंतर या इमारतीला संसद म्हणून मान्यता मिळाली. ही इमारत बांधण्याचा निर्णय परकीय राज्यकर्त्यांचा होता. या वास्तूच्या उभारणीत माझ्या देशवासीयांचा घाम आणि श्रम आहेत, असे आपण अभिमानाने सांगू शकतो”, असे नरेंद्र मोदी म्हणाले.
G20 चे यश संपूर्ण देशाचे आहे – PM मोदी
“चांद्रयान 3 च्या यशाचा देश आणि जगावर नवा प्रभाव पडणार आहे. या सदनातून मी पुन्हा एकदा देशातील शास्त्रज्ञांना अभिनवादन आणि अभिनंदन करतो. आज तुम्ही G20 च्या यशाचे सर्वानुमते कौतुक केले आहे, मी तुमचे आभार मानतो. G20 चे यश हे कोणत्याही पक्षाचे नाही तर संपूर्ण भारताचे आणि 140 कोटी भारतीयांचे यश आहे”, असे मोदी म्हणाले.
हे वाचलं का?
