Supriya Sule : "अजित पवार अमित शाहांना चोरून भेटायला का येत होते?", सुप्रिया सुळेंनी पकडले कात्रीत
Supriya Sule Ajit Pawar : अजित पवारांनी पत्रकारांनी गप्पा मारताना अमित शाह यांना वेशांतर करून भेटायला जात होतो, असा किस्सा सांगितला. त्यावरून सुप्रिया सुळे यांनी काही सवाल केले आहेत.
ADVERTISEMENT
बातम्या हायलाइट
अजित पवारांवर सुप्रिया सुळेंची टीका
अमित शाह-अजित पवारांच्या गुप्त भेटीबद्दल सवाल
मोदींचे नाव घेत सुप्रिया सुळेंनी भाजपला सुनावले
Supriya Sule on Ajit Pawar : 'वेशांतर करून अमित शाहांना दिल्लीला भेटायला जायचो', या अजित पवारांच्या विधानाने विरोधकांना कोंडीत पकडण्याची आयती दिली आहे. खासदार संजय राऊत यांच्यानंतर आता खासदार सुप्रिया सुळे यांनी अजित पवारांवर हल्ला चढवला आहे. अजित पवार नाव बदलून करणे, हा राष्ट्रीय सुरक्षेचा मुद्दा असल्याचे सांगत भाजपला काही सवाल सुप्रिया सुळेंनी केले आहेत. (Why was Ajit Pawar meeting Amit Shah? a question raised by Supriya Sule)
दिल्लीमध्ये सुप्रिया सुळे यांनी माध्यमांशी संवाद साधला. यावेळी अजित पवारांनी वेशांतर करून अमित शाहांच्या भेटी घेतल्याचा मुद्द्यावर त्यांना प्रश्न विचारण्यात आला.
सुप्रिया सुळे म्हणाल्या, "वर्तमानपत्रात मी अशी बातमी वाचली की, महाराष्ट्राचे विरोधी पक्षनेते (अजित पवार) हे नाव बदलून आणि वेशांतर करून दिल्लीला यायचे, असा त्यांनी (अजित पवार) स्वतः खुलासा केला आहे. मला तीन-चार प्रश्न नम्रपणे विचारायचे आहेत. एक म्हणजे तुम्ही विरोधी पक्षनेता होतात. विरोधी पक्षनेते असताना तुम्ही अमित शाहांना का भेटत होता? ते पण तुम्हीच कबूल करता की, तुम्ही चोरून भेटत होता. म्हणजे तुम्ही विरोधी पक्षनेते असताना महाराष्ट्राशी तडजोडी करत होतात."
अजित पवार तुम्ही महाराष्ट्राशी बेईमानी केली -सुप्रिया सुळे
"एकीकडे तुम्ही भाजपचा विरोध करत होतात आणि दुसरीकडे तुम्ही अमित शाहांशी दारामागे चर्चा करत होता. म्हणजे तुम्ही विरोधी पक्षनेते पदाशी आणि महाराष्ट्राशी बेईमानी केली असा त्याचा अर्थ होतो", असा हल्ला सुप्रिया सुळे यांनी केला.
हे वाचलं का?
