ठाकरे-पवारांसारखा ममता दिदीसोबत मोठा गेम, कोणी घडवला एवढा मोठा भूकंप?

निवडणूक पराभवानंतर TMC मध्ये वाढली अस्वस्थता

विधानसभा निवडणुकीत तृणमूल काँग्रेसला मोठा धक्का बसला. 15 वर्ष सलग सत्तेत असलेला पक्ष अवघ्या 80 आमदारांवर आला, तर भाजपने 206 जागांसह स्पष्ट बहुमत मिळवत सत्ता स्थापन केली. निकालानंतर तृणमूल काँग्रेसमध्ये असंतोष वाढत असल्याचे संकेत मिळत होते.

ममता बॅनर्जी यांनी घेतलेल्या बैठका आणि आंदोलनांनाही अनेक आमदार व खासदारांनी दांडी मारल्याने पक्षांतर्गत नाराजी उघड होऊ लागली होती.

विरोधी पक्षनेत्याच्या निवडीवरून वाद

निवडणुकीनंतर तृणमूल काँग्रेसने शोभनदेव चट्टोपाध्याय यांची विरोधी पक्षनेतेपदी निवड केली होती. फरहाद हकीम यांना मुख्य प्रतोद (चीफ व्हीप) म्हणून नियुक्त करण्यात आले होते. सुरुवातीला सर्व काही सुरळीत दिसत असतानाच अचानक काही आमदारांनी बंडाचा झेंडा उभारला.