LPG चा तुटवडा झाला तर सरकार स्वयंपाकासाठी लाकडं देणार, 'या' भाजपशासित राज्याने घेतला निर्णय
LPG Gas Shortage : आखाती देशांमध्ये सुरु असलेल्या युद्धचा परिणाम आता भारतात देखील जाणवू लागला आहे. अनेक राज्यात गॅसचा तुटवडा निर्माण झाला आहे. गॅससाठी लांबच लांब रांगा लागल्याचे दिसून येत आहेत. काही ठिकाणी तर लोकांमध्ये हाणामारी झाल्याचेही पहायला मिळाले. महाराष्ट्रातही गॅससाठी लोकांची धावपळ सुरु आहे. देशात एकंदर अशी परिस्थिती असताना एका राज्याने घेतलेल्या निर्णयाची सध्या सर्वत्र चर्चा सुरु आहे. ते राज्य कोणतं आणि त्या राज्य सरकारचा नेमका निर्णय काय आहे, जाणून घेऊया.
ADVERTISEMENT
बातम्या हायलाइट
LPG चा तुटवडा झाला तर सरकार लाकूडफाटा देणार
'या' भाजपशासित राज्याने घेतला निर्णय
LPG Gas Shortage : आखाती देशांमध्ये सुरु असलेल्या युद्धचा परिणाम आता भारतात देखील जाणवू लागला आहे. अनेक राज्यात गॅसचा तुटवडा निर्माण झाला आहे. गॅससाठी लांबच लांब रांगा लागल्याचे दिसून येत आहेत. काही ठिकाणी तर लोकांमध्ये हाणामारी झाल्याचेही पहायला मिळाले. महाराष्ट्रातही गॅससाठी लोकांची धावपळ सुरु आहे. अनेक हॉटेल व्यावसायिकांना या तुटवड्याचा मोठ्या प्रमाणात फटका बसला आहे. तसेच अन्नदान करणाऱ्या मंदिरांनीही गॅसच्या तुटवड्यामुळे प्रसाद देणं कमी केलं आहे. देशात एकंदर अशी परिस्थिती असताना एका राज्याने घेतलेल्या निर्णयाची सध्या सर्वत्र चर्चा सुरु आहे. ते राज्य कोणतं आणि त्या राज्यसरकारचा नेमका निर्णय काय आहे, जाणून घेऊया.
हे ही वाचा : भारताचे ऑईल टँकर हॉर्मुझच्या सामुद्रधुनीतून आणण्यास इराणची परवानगी, एस जयशंकर यांच्या 'फोनाफोनी'ने निघाला मार्ग
पर्यायी इंधन म्हणून लाकूड
आंतरराष्ट्रीय स्तरावर गॅस पुरवठा विस्कळीत होण्याची भीती व्यक्त होत आहे. यामुळे अनेक राज्यांनी खबरदारीचे उपाय अंमलात आणण्यास सुरुवात केली आहे. या सगळ्यात उत्तराखंड सरकारने घेतलेल्या एका निर्णयाची देशभर चर्चा सुरु आहे. राज्यात जर एलपीजी (LPG) गॅसची टंचाई निर्माण झाली, तर व्यावसायिकांना पर्यायी इंधनाचा स्रोत म्हणून लाकूड उपलब्ध करून दिले जाईल, असा महत्त्वपूर्ण निर्णय राज्य सरकारने घेतला आहे.
वनमंत्र्यांनी काय सांगितले?
उत्तराखंडचे वनमंत्री सुबोध उनियाल यांनी या संदर्भात माहिती देताना सांगितले की, सध्याची जागतिक स्थिती एका मोठ्या संकटापेक्षा कमी नाही. मध्य पूर्वेतील संघर्षाचा थेट परिणाम ऊर्जा पुरवठ्यावर होऊ शकतो आणि त्यामुळे गॅसच्या उपलब्धतेवर मर्यादा येण्याची दाट शक्यता आहे. ही संभाव्य परिस्थिती लक्षात घेऊन उत्तराखंड वन विकास महामंडळाला पुरेसा लाकूड साठा तयार ठेवण्याचे निर्देश देण्यात आले आहेत. हॉटेल, ढाबे आणि रेस्टॉरंट्स यांसारख्या व्यावसायिक ठिकाणी गॅसअभावी कामकाज थांबू नये यासाठी हा निर्णय घेण्यात आला आहे.
हे वाचलं का?
