राहुल गांधींनंतर काँग्रेसचा 'Leader'कोण? लोकांनी 'या' नेत्याला दिली सर्वाधिक पसंती..MOTN सर्व्हे पाहिलात का?

विरोध पक्षाचं नेतृत्व कोणी करावं?

सर्व्हेमध्ये प्रश्न विचारण्यात आला की, आताच्या घडीचे विरोधी पक्ष नेत्यांमध्ये आघाडीचं नेतृत्व करण्याची सर्वात जास्त क्षमता कोणामध्ये आहे? या प्रश्नाचं उत्तर देताना, 28.2 % लोकांनी राहुल गांधी यांचं नाव घेतलं. फेब्रुवारी 2025 च्या तुलनेत हा आकडा आणखी वाढला आहे. ममता बॅनर्जी यांना 7.7 %, अखिलेश यादव यांना 6.7 % आणि अरविंद केजरीवाल यांना  6.4 % समर्थन मिळालं आहे. 

विरोधी पक्षनेता म्हणून राहुल गांधी यांची कशी आहे कामगिरी?

लोकसभेत विरोध पक्षनेता म्हणून राहुल गांधी यांची कामगिरी उत्कृष्ट असल्याचं 27.9 % लोकांनी म्हटलं आहे. तर 22.4 % लोकांनी म्हटलंय, राहुल गांधी यांची कामगिरी चांगली आहे. तर 14.7 % लोकांनी राहुल गांधी यांची कामगिरी खराब असल्याचं म्हटलं आहे. 12.3 टक्के लोक म्हणाले, राहुल गांधी यांची कामगिरी अतिशय खराब आहे. 

हे ही वाचा >> देशात आता निवडणुका झाल्या, तर कोणाचं सरकार येणार? BJP की Congress? खळबळ उडवून टाकणारा MOTN सर्व्हे वाचा एकदा

देशात खरा विरोधी पक्ष कोणता आहे?

सर्व्हेमध्ये 66.4 % लोकांनी म्हटलंय, काँग्रेसच खरा विरोधी पक्ष आहे. 26.8 % लोकांनी म्हटलंय की, विरोधी पक्ष म्हणून काँग्रेस पक्ष उत्कृष्ट आहे. तर 20.4 % लोकांनी म्हटलंय, विरोधी पक्ष म्हणून काँग्रेस पक्ष चांगला आहे. तर 17.09 % लोकांनी म्हटलंय की, विरोधी पक्ष म्हणून काँग्रेस पक्ष चांगला नाही.

काँग्रेसचं नेतृत्व करण्यासाठी सर्वात चांगला नेता कोण?

काँग्रेसच्या नेतृत्त्वाबाबत राहुल गांधी यांना जनतेनं मोठा पाठिंबा दिला आहे. 38.3 % लोकांनी त्यांना पार्टीचा सर्वात महत्त्वाचा नेता असल्याचं म्हटलं आहे. सचिन पायलट यांना 8.8 %, प्रियांका गांधी यांना 7% आणि शशी थरूर यांना 4.6% लोकांनी समर्थन दर्शवलं आहे. 

गांधी घराणं सोडून सर्वात आवडता नेता कोण? 

गांधी घराणं सोडून सर्वात जास्त पसंती सचिन पायटल यांना देण्यात आली आहे. सर्व्हेनुसार, सचिन पायलट यांना 16.4 % व्होट्स देण्यात आले आहेत. तर मल्लिकार्जून खरगे यांना 12.4 % आणि शशी थरुर यांना 8.4 टक्के लोकांनी पाठिंबा दर्शवला आहे.