Arvind Kejriwal: केजरीवालांना जामीन मंजूर, पण मुख्यमंत्री पदाची सगळी ताकदच घेतली काढून!
Arvind Kejriwal Bail: कथित दारू घोटाळा प्रकरणी तुरुंगात असलेले दिल्लीचे मुख्यमंत्री अरविंद केजरीवाल यांना सुप्रीम कोर्टाने जामीन मंजूर केला आहे. पण त्याचवेळी त्यांच्या मुख्यमंत्री पदाची ताकदही काढून घेण्यात आली आहे.
ADVERTISEMENT
बातम्या हायलाइट
सुप्रीम कोर्टाकडून अरविंद केजरीवाल यांना जामीन मंजूर
कथित दारू घोटाळा प्रकरणी केजरीवाल यांना करण्यात आलेली अटक
अनेक अटींवर केजरीवालांना जामीन मंजूर करण्यात आला
नवी दिल्ली: दिल्लीचे मुख्यमंत्री अरविंद केजरीवाल यांना सर्वोच्च न्यायालयाकडून मोठा दिलासा मिळाला आहे. कथित दारू घोटाळ्यातील सीबीआय प्रकरणात सर्वोच्च न्यायालयानेही केजरीवाल यांना जामीन मंजूर केला आहे. ईडीच्या खटल्यात त्यांना आधीच जामीन मिळाला होता. आता सीबीआयच्या खटल्यातही त्यांना सर्वोच्च न्यायालयाकडून जामीन मिळाला आहे. त्यामुळे आता त्यांचा तुरुंगातून बाहेर येण्याचा मार्ग मोकळा झाला आहे. (will not be able to sign the file will not be able to go to the office know on which conditions arvind kejriwal got bail)
मात्र, जामीन देताना सर्वोच्च न्यायालयाने काही अटीही घातल्या आहेत. ज्यामुळे एक प्रकारे कोर्टाने केजरीवाल यांच्या मुख्यमंत्री पदाची सगळी ताकदच काढून घेतली आहे. केजरीवाल यांना जामिनासाठी त्याच अटी लागू असतील ज्या ईडी प्रकरणात जामीन मंजूर करताना घातल्या होत्या. तुरुंगातून बाहेर आल्यानंतर केजरीवाल हे कोणत्याही फाईलवर सही करू शकणार नाहीत. यासोबतच त्यांच्या कार्यालयात जाण्यावरही निर्बंध असतील. एवढेच नाही तर या प्रकरणी ते कोणतेही वक्तव्य किंवा भाष्य करू शकणार नाहीत.
हे ही वाचा>> Arvind Kejriwal: 'घोटाळा, उपमुख्यमंत्री...', तुरुंगातून बाहेर येताच केजरीवाल अजितदादांवर का तुटून पडले?
जामीन मिळाला पण केजरीवाल यांना पाळव्या लागतील 'या' अटी
- अरविंद केजरीवाल ना मुख्यमंत्री कार्यालयात जाऊ शकणार आहेत ना सचिवालयात.
- आवश्यक असल्याशिवाय कोणत्याही सरकारी फाइलवर स्वाक्षरी करू नये.
- संबंधित खटल्याबाबत कोणतेही सार्वजनिक विधान किंवा टिप्पणी करता येणार नाही.
- कोणत्याही साक्षीदाराशी कोणत्याही प्रकारे संपर्क साधायचा नाही.
- या प्रकरणाशी संबंधित कोणत्याही अधिकृत फाइलमध्ये हस्तक्षेप करता येणार नाही.
- गरज भासल्यास ट्रायल कोर्टात हजर राहून तपासात सहकार्य करावं.
केजरीवाल कधी बाहेर येणार?
सुप्रीम कोर्टातून जामीन मिळाला असला तरी केजरीवाल यांना तुरुंगातून बाहेर येण्यासाठी काही काळ वाट पाहावी लागणार आहे.
हे वाचलं का?
