विधान परिषद: सत्यजीत तांबेंना भिडणारी ‘वाघीण’; कोण आहेत शुभांगी पाटील?
Who is shubhangi patil | Nashik graduate constituency नाशिक : विधान परिषदेच्या नाशिक पदवीधर मतदारसंघातील अर्ज मागे घेण्याची मुदत संपली आहे. अखेरच्या दिवशी नाशिकमधून २२ उमेदवारांपैकी ६ उमेदवारांनी माघार घेतली. यात डॉ. सुधीर सुरेश तांबे, अमोल खोडे, दादासाहेब पवार, धनंजय जाधव, राजेंद्र निकम आणि धनराज विसपुते यांनी माघार घेतली. त्यानंतर आता नाशिकमधून १६ उमेदवार निवडणुकीच्या […]
ADVERTISEMENT
Who is shubhangi patil | Nashik graduate constituency
नाशिक : विधान परिषदेच्या नाशिक पदवीधर मतदारसंघातील अर्ज मागे घेण्याची मुदत संपली आहे. अखेरच्या दिवशी नाशिकमधून २२ उमेदवारांपैकी ६ उमेदवारांनी माघार घेतली. यात डॉ. सुधीर सुरेश तांबे, अमोल खोडे, दादासाहेब पवार, धनंजय जाधव, राजेंद्र निकम आणि धनराज विसपुते यांनी माघार घेतली. त्यानंतर आता नाशिकमधून १६ उमेदवार निवडणुकीच्या रिंगणात राहिले आहेत.
१६ उमेदवार रिंगणात असले तरीही प्रामुख्याने लढत होणार आहे ती दोन अपक्ष उमेदवारांमध्ये. काँग्रेसचे बंडखोर उमेदवार सत्यजीत तांबे आणि भाजपच्या बंडखोर उमेदवार शुभांगी पाटील यांच्यात आता थेट लढत होणार आहे. यात सत्यजीत तांबे यांना भाजपचा पाठिंबा मिळण्याची शक्यता आहे, तर शुभांगी पाटील यांना शिवसेना (UBT) आणि महाविकास आघाडीचा पाठिंबा मिळण्याची शक्यता व्यक्त केली जात आहे.
दरम्यान, शिवसेना (UBT) आणि महाविकास आघाडीने काहीशा नवख्या असलेल्या शुभांगी पाटील यांना पाठिंबा देण्याबाबत अनुकूलता दाखविल्यामुळे सत्यजीत तांबे यांच्यापुढे कडवं आव्हान उभं राहिल्याची चर्चा आहे. त्यामुळेच शुभांगी पाटील नेमक्या आहेत तरी कोण याबाबतच्या चर्चांना सुरुवात झाल्या आहेत.
