दोन गटात विभागलेली शिवसेना एकत्र येणार का? 2024 मध्ये चेहरा कोण?; एकनाथ शिंदेंनी दिलं हे उत्तर

एकनाथ शिंदे शुक्रवारी मुंबईत सुरू असलेल्या इंडिया टुडे कॉन्क्लेव्हमध्ये सहभागी झाले होते.
दोन गटात विभागलेली शिवसेना एकत्र येणार का? 2024 मध्ये चेहरा कोण?; एकनाथ शिंदेंनी दिलं हे उत्तर

उद्धव ठाकरेंची सरकार पाडल्यानंतर भाजपशी हातमिळवणी करून महाराष्ट्राचे मुख्यमंत्री झालेले एकनाथ शिंदे शुक्रवारी मुंबईत सुरू असलेल्या इंडिया टुडे कॉन्क्लेव्हमध्ये सहभागी झाले होते. यावेळी त्यांनी उद्धव ठाकरेंची साथ सोडण्यापासून अनेक मुद्द्यांवर खुलेपणाने भाष्य केले. त्याचबरोबर आपण बाळासाहेब ठाकरे यांच्या विचारसरणीवर चालत असून सर्वसामान्यांप्रमाणे सरकार चालवत असल्याचेही मुख्यमंत्र्यांनी सांगितले. 2024 च्या विधानसभा निवडणुकीत मुख्यमंत्री होणारा चेहरा आणि दोन गटात विभागलेल्या शिवसेनेचे भवितव्य काय, असा प्रश्नही शिंदे यांना विचारण्यात आला.

महाराष्ट्राचे मुख्यमंत्री एकनाथ शिंदे यांना 2024 च्या विधानसभा निवडणुकीत मुख्यमंत्री चेहरा कोण असेल? असा प्रश्न विचारला असता त्यांनी थेट उत्तर दिले नाही. शिंदे म्हणाले की, देशाचे पंतप्रधान नरेंद्र मोदी यांचा करिष्मा सर्वांनी पाहिला आहे. मी एक छोटा कार्यकर्ता आहे आणि मला काय हवे आहे? आता मिळालेल्या संधीचा मी उपयोग करेन. मी जनतेसाठी विकासकामे करेन, शेतकऱ्यांचं भलं करेन, असं ते म्हणाले.

मी पुन्हा मुख्यमंत्री होणार की नाही हे महाराष्ट्रातील जनता ठरवेल, असे एकनाथ शिंदे म्हणाले. चांगले काम करणे आपल्या हातात आहे, पण मुख्यमंत्री कोणाला करायचे हे जनता ठरवेल. अशातच शिंदे यांनी आगामी विधानसभा निवडणुकीत मुख्यमंत्र्यांच्या चेहऱ्याबाबत उघडपणे बोलले नाही. मुख्यमंत्री चेहरा होणार की नाही हेही त्यांनी सांगितले नाही.

दोन गटात विभागलेली शिवसेना एक होणार का?

शिवसेना दोन गटात विभागली आहे. शिवसेनेचा एक गट मुख्यमंत्री एकनाथ शिंदे यांच्या हातात आहे आणि शिवसेनेचा दुसरा गट उद्धव ठाकरेंसोबत आहे. अशा प्रकारे दोघांनीही शिवसेनेवर आपापली दावेदारी केली आहे. अशा परिस्थितीत शिवसेनेतील दोन गट भविष्यात एकत्र येऊ शकतील का, असा प्रश्न इंडिया टुडे कॉन्क्लेव्हच्या मंचावर एकनाथ शिंदे यांना विचारण्यात आला. त्यावर शिंदे म्हणाले की येथे IF आणि BUT नाही. आता आमचे सरकार आहे. आम्ही युतीमध्ये काम करतो. सध्या आम्ही बाळासाहेबांची विचारधारा पुढे नेत आहोत.

पंतप्रधान मोदी बाळासाहेबांच्या आकांक्षा पूर्ण करत आहेत : एकनाथ शिंदे

बाळासाहेब ठाकरे यांच्या तत्त्वांची ही शिवसेना असल्याचे शिंदे म्हणाले. बाळासाहेबांचे खरे वारसदार हे त्यांच्या विचारांचे वारसदार आहेत. पंतप्रधान मोदी बाळासाहेबांच्या आकांक्षा पूर्ण करत आहेत. एक दिवस मला पंतप्रधान करा, मी काश्मीरमधील ३७० कलम रद्द करून अयोध्येत राम मंदिर बांधणार, असे बाळासाहेबांचे विधान होते, असे शिंदे म्हणाले. पीएम मोदींच्या नेतृत्वाखालील सरकारने जम्मू-काश्मीरमधून कलम 370 रद्द केले आहे आणि राम मंदिर बांधले जात आहे.

शिंदे म्हणाले, एकनाथ एकदा जर मी कमिटमेंट केली तर मागे हटत नाहीत. एका चित्रपटातही हाच संवाद आहे, आम्ही आमच्या बांधिलकीपासून मागे हटत नाही, त्यासाठी कोणतंही पाऊल का उचलावं लागेल. आम्ही बाळासाहेबांच्या विचारसरणीवर चालत आहोत, ज्यांना एकत्र यायचे आहे, त्यांनी यावे. बाळासाहेबांच्या विचारांवर चालणारे आम्हीच खरी शिवसेना असल्याचे आम्ही म्हटले आहे. बाळासाहेबांच्या नावाने 750 दवाखाने उघडले जात आहेत, अशी माहिती देखील शिंदेंनी दिली.

उद्धव ठाकरेंची साथ का सोडली?

एकनाथ शिंदे म्हणाले की, भाजप शिवसेनेसाठी नैसर्गिक युती भागीदार असल्याने त्यांनी एका वेळी उद्धव ठाकरेंना भाजपमध्ये सामील होण्यासाठी राजी करण्याचा प्रयत्न केला होता. दुर्दैवाने, ते होऊ शकले नाही, त्यानंतरच आम्हाला हे पाऊल उचलावे लागले. हे कसे घडले आणि ते का घडले? ही गोष्ट महाराष्ट्रातील प्रत्येकाला माहीत आहे. ते काही साध्य करण्यासाठी किंवा मुख्यमंत्री होण्यासाठी नव्हते.

आम्ही (शिवसेना) भाजपसोबत निवडणूक लढवली आणि जनतेने शिवसेना-भाजप युतीला जनादेश दिला, पण जनतेच्या इच्छेविरुद्ध २०२२ मध्ये महाविकास आघाडीचे सरकार स्थापन झाले. आमचे आमदारही त्यास अनुकूल नव्हते. इंडिया टुडे कॉन्क्लेव्हमध्ये मुख्यमंत्री एकनाथ शिंदे म्हणाले, 'जे व्हायचे होते ते झाले. आम्ही काहीही चुकीचे केलेले नाही. महाराष्ट्रात भाजप-शिवसेना युतीचे सरकार स्थापन व्हावे, हा जनादेश होता. बाळासाहेबांनाही तेच हवे होते आणि आम्हीही तेच केले आहे.

महाविकास आघाडीत राहत असताना आमदारांची कामे होत नव्हती. शिवसेनेचे आमदार जनतेच्या अपेक्षा पूर्ण करू शकले नाहीत. राज्यात आमचे सरकार असूनही आमच्या कार्यकर्त्यांना न्याय मिळत नव्हता. आपल्यापैकी अनेकांनी उद्धव ठाकरेंची समजूत काढण्याचा प्रयत्न केला, पण यश मिळालं नाही. तेव्हाच हे पाऊल उचलावे लागले, असं शिंदे म्हणाले.

Related Stories

No stories found.
Mumbai Tak
www.mumbaitak.in